Малчин өрхийн тоо 2 мянгаар нэмэгджээ
Мал тооллогын урьдчилсан дүнгээр улсын хэмжээнд 4.8 сая адуу тоологджээ.
- Үхэр 5.5 сая,
- Тэмээ 470.4 мянга,
- Хонь 32.7 сая,
- Ямаа 27.6 сая тоологдов.
Энэ оны урьдчилсан дүнг өнгөрсөн онтой харьцуулахад хонь 1.7 саяар буюу 5.3 хувиар, ямаа 1.1 саяар 4.2 хувиар, адуу 495.7 мянган толгой буюу 11.5 хувиар, үхэр 489.9 мянгаар буюу 9.8 хувиар, тэмээ 16.4 мянгаар буюу 3.6 хувиар тус тус өсөв.
Мал тооллогын урьдчилсан дүнгээр төллөсөн хээлтэгч мал өмнөх оноос 3.4 сая, бойжсон төл 4.9 сая толгойгоор өсжээ. 100 эх мал тутамд 82 төл бойжжээ. Энэ нь өмнөх оноос 13 төлөөр өссөн дүн аж.
Улсын хэмжээнд малтай өрхийн тоо 248.3 мянга байна. Үүнийг өнгөрсөн онтой харьцуулахад 2 мянгаар нэмэгджээ. Малын тоогоор бүлэглэвэл нэг мянгаас дээш малтай өрх 1.4 мянгаар өсөж, 50 хүртэлх малтай өрх 0.8 мянгаар, 51-200 малтай өрхийн тоо 1.3 мянгаар тус тус буурчээ.
Улсын хэмжээнд 304.9 мянган малчин байна. Нийт малчдын 39.4 хувь нь зээлтэй, зээл авсан малчдын:
- 20 хувийг 25-34 насныхан,
- 32 хувийг 35-44 насны,
- 28 хувийг 45-54 насны малчид эзэлж буйг ҮСХ-ноос мэдээллээ.
