Ж.Батзандан "Капитал" банкнаас 13 тэрбум төгрөгийн зээл авчээ
Монгол Улсын Засгийн газраас хаалгаа барьсан "Капитал" банкны хөрөнгийг дуудлага худалдаагаар зарж, хоёр санд төвлөрүүлэх шийдвэрийг гаргасан. Гэхдээ тус банкнаас хэн, хэн хэдий хэмжээний зээл авсан гэдгийг олон нийтэд зарлаагүй билээ.
Тэгвэл "Капитал" банкнаас нэр бүхий улстөрчид эрх мэдэл, албан тушаалын байдлаа ашиглаж хамаарал бүхий компаниараа дамжуулж их хэмжээний зээл авсан нь эхнээсээ ил болоод байна.
Тухайлбал, тус банкнаас УИХ-ын гишүүн асан Ж.Батзандан 13 тэрбум төгрөгийн зээл авсан бол УИХ-ын гишүүн М.Оюунчимэг гурван тэрбум, Ш.Раднаасэд нэг тэрбум төгрөгийн зээл авсан гэдгийг "Өглөөний сонин" өнөөдрийн /2022.03.10/ дугаарт хөнджээ.
