Сэрэмжлүүлэг: Өвөр гүнтэд зуслангийн хоёр давхар байшин шатжээ

Өнөөдөр Чингэлтэй дүүргийн 19 дүгээр хороо Өвөр гүнт явах зам дагуу байшин шатаж байна гэсэн дуудлага онцгой байдлын байгууллагад ирсэн байна.

Дуудлагын дагуу Сүхбаатар дүүргийн Онцгой байдлын хэлтсийн Гал түймэр унтраах, аврах 74 дүгээр ангийн бүрэлдэхүүнийг очиход 10х8 хэмжээтэй хоёр давхар мансардтай байшин шатаж, гал түймэр тархсан байжээ. 

Нэмэлтээр Гал түймэр унтраах, аврах 34 дүгээр анги, Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн бүрэлдэхүүн шуурхай ажиллаж гал түймрийн тархалтыг 11:25 цагт зогсоолоо.

Гал түймрийг бүрэн унтраахаар ажиллаж байна.