С.Мөнхчулуунаас асуух арван асуулт

Хотын даргад нэр дэвшиж олны танил болоод байгаа НИТХ-ын төлөөлөгч С.Мөнхчулуунаас асуух 10 асуулт

1. Та анх улс төрд хэний, ямар дэмжлэгтэйгээр орж, албан тушаалд хүрсэн вэ?

2. Та нэг сайтад өгсөн ярилцлагад “Би Герман улсын Штутгардын Их сургуульд улс төр судлалын чиглэлээр 6 жил суралцаад урьдчилсан дипломтойгоор Монголдоо ирсэн” гэжээ. Гэсэн атлаа та албан ёсны намтардаа Герман улсад сургууль төгссөн тухай бичээгүй байх юм. Та Герман улсад сургууль төгссөн үү, урьдчилсан диплом гэж ямар зүйл байдаг юм бол, үүнийгээ олон нийтэд харуулж болох уу?
3. Та Сонгинохайрхан дүүргийн Тамгын газрын даргаар 4 жил, НИТХ-ын төлөөлөгчөөр 3 жил ажиллаж байна. Энэ хугацаанд сонгогдсон тойрог, дүүрэгтээ иргэдийн гарт баригдаж, нүдэнд үзэгдэхүйц ямар ажил хийсэн вэ?

4. “Улаан бал” ярилцлагын нэвтрүүлэгт оролцох үедээ С.Мөнхчулуун хар тамхины хэрэгт холбогдсон, тэр бүү хэл “сүүлийн үед би хар тамхи огт татаагүй” гэж хуулийн байгууллагад мэдүүлэг өгсөн өөрийн төрсөн дүү С.Бямбацогтынхоо тухай ярихдаа “Хар тамхи гэж ярьж байгаа, тэр бол худлаа” гэсэн атал прокурорын байгууллагаас С.Бямбацогтыг  хар тамхи хууль бусаар хадгалсан хэргээр яллах дүнэлт үйлдэн шүүхэд шилжүүлсэн байдаг. Тэгэхлээр та худал яриад байна уу, хуулийн байгууллага худал яриад байна уу? https://www.facebook.com/watch/?v=433093937431893

5. Та дүүгээ өмөөрсөн яриандаа “...үнэхээр тар хамхи гэж байдийм байна лээ, бараг мафи шахуу болчихсон, хүмүүсийг янз бүрийн юманд хутгадаг” гэж их тодорхой ярьсан байна. Үнэхээр хар тамхины асуудал хүмүүсийн дунд байдаг, тэр байтугай мафийн хэмжээнд хүрчихсэн, хүмүүсийг орон сууц, машин байраар нь барьцаалж тамхиныг түгээдэг гэх нууцын зэрэгтэй мэдээллийг та ямар сайн мэддэг юм вэ, эдгээр мэдээллийг хаанаас олж авсан вэ?

6. Хэвлэлд өгсөн ярилцлагадаа та “Миний хувьд фракци ярьвал “60 тэрбумын тал биш, МАН-ын жирийн гишүүн, зарчимаа барьдаг хүн” гэжээ. Тэгвэл та яагаад 2017 оны 8 сард “60 тэрбумын автор” Ц.Сандуйг огцруулахаар хэсэг төлөөлөгчид нэгдэж байхад хэвлэлд хандан “Ц.Сандуйг огцруулах үндэслэл байхгүй” хэмээн мэдэгдэл хийж байсан юм бол?  http://www.shuud.mn/a/487107

7. Хотын даргад заалнаас нэр дэвжихдээ 60 тэрбумын автор Ц.Сандуй тэргүүтэй НИТХ дэх тус фракцийн болон АН-ын төлөөлөгчдийн дэмжлэгийг авна гэдгээ урьдчилан тохирчихсон байсан уу?

8. Та 2017 оны 8 сарын 22-ны өдөр та “Хувь хүний амбиц намын бодлогоос дээгүүр байж болохгүй” гэж ярьж байжээ. Тэгвэл таны үзэл бодлыг юу өөрчлөхөд хүрэв. Таны амбиц намын бодлогоос давж, хотын даргын эрх мэдэл хүү тэмүүлж байгаа нь таны хувийн амбици, эрх ашиг уу, эсвэл таныг дэмжиж байгаа бүлэглэлийн эрх ашиг уу?

9. Та 2017 онд Сонгинохайрхан дүүргийн 30, 31 дугаар хороонд “Норов зам” ХХК-аар 900 гаруй сая төгрөгийн өртөг бүхий зам барилгын ямар ажил хийлгэсэн вэ? Үүнд та ямар холбоотой вэ?

10. Таныг НИТХ-ын төлөөлөгчдийн олонхи нь дахин дэмжиж Хотын дарга болгосон тохиолдолд та намын гишүүн бус албан тушаалтны хувьд эрх баригч МАН-ын болон Засгийн газрын дэмжлэггүйгээр хэрхэн хотын ажлыг урагшлуулах вэ?

Хотын даргад нэр дэвшигч С.Мөнхчулуунтай тааралдах юм бол сонгогчид, сэтгүүлчид бүхэн дээрх 10 асуултыг асуугаарай гэж захих байна.  Мөн С.Мөнхчулуун таныг дээрх 10 асуултад сошиалаар хариулт өгнө гэдэгт итгэж байна.