Манай зүүн хязгаар тэр чигтээ Хятадуудын мэдэлд лицензээр оччихсон юм биш үү?

Монголын газрын тосыг хууль зөрчин, төрийн эрх мэдэлтнүүдтэй хуйвалдан БНХАУ-ын " Петрочайна дачин тамсаг" компани олон жил зөөж байгаа. Монголын хамгийн үржил шимт хөрстэй, дэлхийд ховор хялганат төлыг маань сүйтгэж, газрын гүний усыг нь шавхаж тосоо ялгаж, хөрсийг нь том тэрэгний тээвэрлэлтээр эвдэж, бүр газарт нь химийн бодис бүхий асар их шингэн хаягдлаа булж бузарлаж байгаа.

Газар дээр нь очиж олон удаа сурвалжилт байсан сэтгүүлчийн хувьд үүнийг мэднэ. Одоо үргэлжлүүлэн ухсаар алдарт Дорнод Монголын Мэнэнгийг тал байхгүй болох дүр зураг гарчээ. Олон жил тэвчиж, төр засгаа хүлээсэн Дорнодчууд өнөөдөр босч жагсчээ. Маш зөв. Иргэн бид л эх орноо хамгаалахгүй бол Монголд төр гэж байхгүй. Төрийг гадны гар хөл болсон мөнгөний төлөө нүдээ ухахаас буцахгүй бүлэглэл зайдалж буй. Газрын тосны тээвэрлэлтийг олон хоногоор зогсоож буй тэмцэгчдэдээ амжилт хүсэн ерөөе Дэмжиж байна. Үргэлж дэмжих болно.

Сэтгүүлч Б.Отгон