Нэг килограмм самар 22 мянган төгрөгийн үнэтэй байна

Иргэд уулнаас самар түүж өөрсдийн орлогын эх үүсвэрээ болгох явдал нэлээдгүй байдаг. Энэ жилийн хувьд уулнаас түүсэн хуш модны цайруулсан самрыг нэг килограммыг нь 21-23 мянган төгрөгөөр худалдаалж байна. Өмнө жил буюу 2024 онд уулнаас түүсэн самар нэг килограмм нь 8-9 мянган төгрөгийн ханштай байжээ.

Иймд орлого олох боломж бүрдүүлдэг ойн дагалт баялаг болох хуш модны самараа түүж бэлтгэхдээ байгаль дэлхийтэйгээ зүй зохистой харьцаж байхыг уриалж байна. Ингэснээр олон жил самарын ургац арвин байж, орлогын эх үүсвэр нь хумигдахгүй улам бүр өгөөжөө өгөх нь дамжиггүй ээ.