2025 оноос “Бета” үеийнхэн төрж эхэлнэ
2025 он гарахад хэдхэн хоног үлдлээ. Нэгдүгээр сарын 1-нээс шинэ он гараад зогсохгүй цоо шинэ “Бета” үеийнхэн төрж эхлэх гэнэ.
Өөрөөр хэлбэл “Альфа” үеийнхний эрин үе дуусаж, 2025-2039 онд төрсөн хүүхдүүдийг “Бета” үеийнхэн гэж нэрлэх юм байна.
“Бета” үеийнхэн технологийн мэдлэг өндөртэй, хүмүүсийн олон янз байдлыг хүлээн зөвшөөрч, өндрөөр үнэлдэг хүмүүс байх төлөвтэй гэжээ.
1901 оноос ийнхүү үе тооцоолж эхэлснээс хойш долоо дахь шинэ үе нь энэ болж байгаа юм.
Үеүдийг ихэвчлэн тодорхой цаг хугацааны хүрээнд амьдарч, соёл, нийгэм, түүхийн нийтлэг туршлага хуваалцдаг хүмүүсийн бүлэг гэж тодорхойлдог.
Та аль үеийн хүн гэдгээ мэдэх үү?
- Чимээгүй үе /Silent Generation/-1945 оноос өмнөх
- Их төрөлтийн үе /Baby Boomers/-1946-1964
- Х үе /Generation X/-1965-1980
- Ү үе, Миллениал /Generation Ү, Millennial/-1981-1996
- Z үе /Generation Z/-1997-2009
- Альфа үе /Generation Alpha/-2010-2024
- Бета үе /Generation Beta/-2025-2039
Эх сурвалж: ABC
