Франц, Их Британи улс интернэт дэх хэт даврах үзлийн эсрэг хамтран тэмцэнэ

 

Франц, Их Британи улс терроризмын эсрэг хамтран тэмцэж, интернэт дэх хэт даврах үзэлтэй тэмцэх арга хэмжээгээ чангатгахаа баталлаа. Энэ тухай  Францын Ерөнхийлөгч Эммануэль Макрон, Их Британийн Ерөнхий сайд Тереза Мэй нар Елисейн ордон дахь уулзалтынхаа дараа хэвлэлийнхэнд  мэдэгдсэн юм.

Хоёр улс энэ  чиглэлээр  тодорхой  төлөвлөгөө  боловсруулж буй юм байна. Үүнд нь терроризм, үзэн ядалт, хэт даврах үзэл шингэсэн бүх  материалыг  устгах  ёстой интернэт провайдеруудын хариуцлагыг  чангатгах асуудал багтаж буй юм байна.  

Мөн хоёр улсын төр засгийн тэргүүн тусгай албад террорист халдлага гарахаас урьдчилан сэргийлэх зорилгоор мэдээллээ идэвхтэй харилцан  солилцож чадаж байгааг үнэлсэн байна.