Дундад эртний Монгол аймгуудад христийн шашин дэлгэрч байсныг илтгэх биет олдворуудаас

Өмнөговь аймгийн Номгон сумын нутгаас 2008 онд нэгэн эмэгтэйн шарил олджээ. Түүний цээжин хэсэгт хясаагаар хийсэн загалмайн тэмдэг байрлуулснаас гадна христийн шашинтан байсныг нь бүрнээ батлах иж бүрэн эд хэрэглэл олдсон байна.

МУИС-ийн хайгуулын судалгааны багийн энэхүү олдвор нь 13-14-р зуунд буюу Монголын Эзэнт Гүрний Юань улсын үед хамаарах бөгөөд үүнтэй төстэй эд хэрэглэлийг Дорнод аймгийн нутгаас илрүүлсэн байдаг. Тухайн оршуулгаас мөнгөн аяга олсон ба аяганы амсрыг монголын уламжлалт эвэр угалз хээгээр чимэглэснээс гадна дунд нь 13 ширхэг загалмайг цохиж урласан байжээ.