Буруугүй буруутан

1944 оны 6 сарын 16-ны өдөр.АНУ-ын Хойд Каролинад 14 настай Жиоржи Стинни гэх хүүг цахилгаан сандал дээр суулган цаазаар авчээ.Энэ тохиолдолд нь хүүг 20-р зууны хамгийн залуугаараа цаазаар авахуулсан гэмт хэрэгтэн гэх нэрний эзэн болгосон бөгөөд хамгийн харамсалтай нь хүү хилс хэргээр цаазаар авахуулсныг нь хэрэг болсноос 69 жилийн дараа буюу албан ёсоор 70 жилийн дараа олж тогтоосон байна.

Хүүг 11 настай Бэтти болон 7 настай Мэри гэх 2 цагаан арьст охиныг алсан хэмээн яллаж улмаар цаазаар авсан бөгөөд 2013 онд уг хэрэг дахин сөхөгдсөнөөр Жиоржи Стинниг хэрэгт ямар ч холбоогүй болохыг олж тогтоосон ба хэргийг тухайн үед амьдарч байсан 25 настай этгээд үйлдсэн гэж үзээд хүүг цагаатгасан бөгөөд тухайн үед хэргийг шүүж байсан шүүгч хэт нэг талыг барьсан, арьс өнгөөр ялгаварласан, хэргийн зарим нотлох баримтыг огт авч хэлэлцээгүй байсныг нь давхар олж тогтоосон байна.