Амьдралд урам, итгэл өгөх Стивен Хокингийн үгс

Амжилт бүтээлийнхээ эхэнд буюу 21-хэн насандаа булчин сулрах өвчтэй болсноо мэдсэн Стивен Хокингт эмч нар 2 жилийн нас үлдсэн гэж хэлсэн байдаг. Хөл дээрээ зогсох нь бүү хэл ярих ч чадваргүй болсон Стивен Хокинг харин 76 насалж, Их тэсрэлт, хаагдалтын тухай, Эйнштейний "Харьцангуйн тусгай онол”, "Харьцангуйн ерөнхий онол”-уудад үндэслэсэн таталцлын хүчийн судалгаа, их таталцлаас шалтгаалсан гэрэл гарч чаддаггүй орон-цагийн муж бүхий "Хар нүхний онол”-уудыг судлаж, сургаж, хүн төрөлхтөнд таниулсан юм.

Түүний "Цаг хугацааны товч түүх” шинжлэх ухааны бүтээл нь 1988 онд хэвлэгдэн, 5 жилийн дотор 35 хэлнээ дээр орчуулагдаж, 10 сая гаруй хувь борлогдсон. Гэхдээ Цаг хугацааны товч түүх гэх бүтээл зарагдсан тоогоороо бус хүн төрөлхтөнд үлдээсэн агуу нээлт болохынхоо хувьд Стивен Хокингийн нэр түүхнээ мөнхөрсөн юм.

Хэрвээ танд амьдрал хааяа хэцүү санагдаж, туулж барашгүй зовлон, зүдгүүр шиг санагдаж эхлэвэл, бие махбодийнхоо хувьд бусдаас дутмаг гэж санагдвал өөртөө эрч хүч, итгэл, урам зоригийг Стивен Хокингийн эшлэлүүдээс аваарай.