”F4” киноны жүжигчин бүсгүй секси биш гэх шалтгаанаар хаягджээ
Өмнөд Солонгосын алдарт жүжигчин Гү Хэ Соныг бид "F4" буюу "Цэцэгнээс хөөрхөн хөвгүүд киногоор нь тун сайн мэднэ. Харин тэрбээр хэд хоногийн өмнө өөрийн нөхөр Ан Жэ Хёноос салж байгаа тухайгаа мэдэгджээ.
Хосууд кинонд хамтдаа тоглож, телевизийн шоу нэвтрүүлэгт оролцож, үлгэр жишээ, хайр дүүрэн хосууд гэдгээ тунхаглаж байсан ч гэрлэлтийн дараа амьдрал нь тэс өөрөөр эргэсэн байна.
Энэ тухай жүжигчин бүсгүй "Бидний харилцаа хөндийрч эхлэхэд би түүнээс юу болоод байгаа тухай асуусан. Харин тэр намайг секси биш гэсэн. Гэхдээ энэ нь салах шалтгаан биш гэсэн ч бид аажмаар хөндийрсөөр байсан. Тэр утсаар өөр эмэгтэйчүүдтэй ярьж эхэлсэн.Түүний төрсөн өдрөөр дуртай хоолыг нь бэлдсэн ч ганц, хоёр халбагадаад өөр хүмүүстэй төрсөн өдрөө тэмдэглэхээр гарч одсон. Би гэртээ яг л сүнс шиг байх болсон" гэх зэргээр бичсэн байх бөгөөд хосууд эд хөрөнгөө хуваах тал дээр ч багагүй маргаантай байгаа гэнэ.
Өнгөрсөн гурван жилийн хугацаанд жүжигчин бүсгүй гэрийнхээ ажлыг зуун хувь ганцаар хийдэг байсан учраас өдрийн 30.000 воноор тооцож, нэхэмжлэл гаргасан байна. Мөн үл хөдлөх хөрөнгийн маргаанаа шийдвэрлэхээр зэхэж байгаа бөгөөд алдартай бүсгүйн хөшигний цаадах амьдрал ийнхүү ил болоод байна.
Б.Болор
Эх сурвалж: Factnews.mn
