Камбожид ховор булш олджээ

ПНОПЕНЬ. /Anadolu/. Камбож улсын нийслэл хотоос 17 км зайтай оршдог Прей Венг хотод зам тавьж байсан ажилчид эртний оршуулгын газар олжээ.

Камбожийн археологичдын мэдээлж буйгаар, уг олдвор нь МЭ-ий I ба V зууны хоорондох үед хамаарах аж. Тэд одоогийн байдлаар шарилууд болон материаллаг соёлын үлдэгдлүүдийг судалж байна. “Газрын дээд давхаргад таван булш, 2.3 метрийн гүнд нэг булш байсан. Зам тавьж байсан ажилчид шарилуудтай хамт оршуулсан багаж хэрэгсэл, бусад эд зүйлийг олсон” гэж Камбожийн археологичид мэдээлжээ.

Уг газар нутагт V зуун хүртэл Вадхьяпуре хэмээх нийслэл хоттой эртний кхемерийн Бапном улс оршин байжээ. Энэ үед хамаарах олдворууд ховор байдаг учраас уг булш нь энэ нутаг дахь соёл иргэншлийн эхэн үеийн талаар их зүйлийг олж мэдэхэд тус дөхөм болно гэж үзэж байна.