ШУУРХАЙ: Худалдаа Хөгжлийн Банкны эзэн Д.Эрдэнэбилэгийг баривчиллаа

Худалдаа Хөгжлийн Банкны эзэн Д.Эрдэнэбилэгийг дөнгөж сая Эрүүгийн Цагдаагийн Албанаас гүйцэтгэх ажиллагаа явуулж Хан-Уул дүүрэг дэх гэрээс нь баривчиллаа. Мөн Худалдаа хөгжлийн банкны гүйцэтгэх захирал О.Орхоныг саатуулж буй мэдээлэл байна.

 Өчигдөр нууцаас гаргасан материалууд дахь нууцын талаар ЗГХЭГ-ын дарга Л.Оюун-Эрдэнэ, УИХ-ын гишүүн Ж.Батзандан, Л.Болд нар мэдээлэл хийсэнтэй холбоотой Худалдаа Хөгжлийн Банкны эзэн Д.Эрдэнэбилэгийг хуулийн байгууллага шалгаж эхэлсэн байж магадгүй.  Тэрээр “Эрдэнэт үйлдвэр”-ийн 49 хувийн хувьцааг “Монголиан коппер корпорэйшн” компани худалдан авсан 400 сая 270 мянган ам.доллараа хэрхэн бүрдүүлсэн талаарх схемийг танилцуулсан. “Эрдэнэт үйлдвэр” компанийн 49 хувийг авах боломж тухайн үеийн Засгийн газарт байсаар байхад үүнээсээ татгалзаж, хувийн аж ахуйн нэгжид давуу байдал олгосон. 49 хувийг худалдан авсан 400 гаруй сая ам.долларын 72.4 хувийг төрөөс, үлдсэн 27.6 хувийг Худалдаа хөгжлийн банк гаргасан байх магадлалтай.  Үүнд, Монголбанкнаас өрийн бичиг бичиж хоёр удаа 200 тэрбум төгрөг авсан, Хөгжлийн банкнаас 71.3, 51.3 сая ам.долларыг зээлсэн, Аж үйлдвэрийн яамнаас 90.3 сая ам долларын зээл, Худалдаа хөгжлийн банкнаас 111.2 сая ам.долларын барьцаагүй зээл, Монголбанкнаас зузаатгал хийж 160 тэрбум төгрөг авсан” гэж хэлсэн юм. 

FACT.MN