Монгол хүүхдүүд мөсөнд авиралтын ДАШТ-д түрүүлэв

Франц улсын Шампань хотноо энэ сарын 18-21-ний өдрүүдэд болсон Мөсөнд авиралтын залуучуудын ДАШТ-д манай улсын таван тамирчин оролцсоноос гурав нь медаль хүртлээ. Тухайлбал, "Увс" спорт авиралтын холбооны тамирчин Б.Мөнхбаатар алтан медаль, "Сутайн бор" клубын тамирчин А.Зоригтбаатар хүрэл медаль, “Summit” клубын тамирчин Ц.Анар хүрэл медаль хүртжээ. Энэ гурван тамирчин 18-20 насныхан буюу ЕБС-ийн сурагчид ажээ. Мөн өнгөрөгч 12-ноос 14-ний өдрүүдэд Өмнөд Солонгост болсон Дэлхийн цомын тэмцээнээс ОУХМ Н.Хэрлэн, Ч.Мандахбаяр нар алт, мөнгөн медалийн эзэд болсон юм. Дэлхийн цомын тэмцээнд манай тамирчид 2012 оноос оролцож эхэлсэн бөгөөд энэ удаагийн тэмцээнд 16 улсын 88 тамирчин оролцжээ