Ч.ЦЭЛМҮҮН: ХҮҮГЭЭ ХӨХНӨӨС ГАРГААГҮЙ БАЙХАД Л НӨХРӨӨСӨӨ САЛСАН

Биотехнологич, хүнс судлаач мэргэжилтэй, анагаах ухааны боловсрол судлалын магистрын зэрэгтэй Ч.Цэлмүүн Монгол Улсын эмнэлгийн мэргэжилтний чадавхийг дээшлүүлэх төслийн координатороор ажилладаг. Мөн тэрбээр 2003 оноос хойш "Агаре” хувийн шүдний эмнэлгээ ажиллуулж буй.

"Universe best songs" наадмын гранпри хүртсэн цагаас эхлэн хэвлэлүүд түүний талаар янз бүрийн худал мэдээлэл тараасан нь өсвөр насны охины хувьд тэсвэрлэшгүй зүйл байв. Гэр бүл зохиох гэж байхад нь хүртэл найз залуугийнх нь Н.Алтанхайрхан гэх содон нэрнээс болоод "Өвөрмонгол баян хүнтэй суух гэж байна" гэх зэргээр бас л нэг амны зугаа болоод авсан.

Харин Цэлмүүн "Өнөөдөр” сонинд өгсөн ярилцлагадаа

-Өрх толгойлсон эмэгтэй болоод хоёр жил гаруй болж байна. Хүүгээ хөхнөөс гаргаагүй байхад л нөхрөөсөө салсан. Анх удаа хувийн амьдралынхаа тухай хэвлэл мэдээллийн хэрэгслээр ярьж байгаа минь энэ. Нэгэн цагт ханилж явсан хүнээ би хэзээ ч муу хэлэхгүй. Хэн нэгэн надад тэр хүнийг муулж ярихыг ч тэвчихгүй. Тэр маань өөрийнхөө хүчээр амьдралаа босгож яваа мундаг залуу хэмээн өгүүлжээ.

Дуучин бүсгүй бие даасан хоёр дахь цомгоо "Defined” гэж нэрлэсэн бөгөөд "Ocean grey” студитэй хамтран ажиллаж байна. Долоон дуутай энэ цомогт аав Чинзоригийнх нь бичсэн шүлгээр бүтсэн дуунууд ч багтжээ. Цомгоо есдүгээр сард бэлэн болгохоор төлөвлөсөн гэнэ.