Загвар өмсөгч С.Төгс:Хэрэгтэй хүнтэй найз байх нь чухал ач холбогдолтой …

Өвөрмөц дүр төрх, өөрийн гэсэн стиль имижээрээ олны анхаарлыг татдаг загвар өмсөгч С.Төгс монголын төдийгүй, гадаадын нэр нөлөө бүхий олон загвар зохион бүтээгчидтэй хамтран ажиллаж, дэлхийн хэмжээний томоохон шоунд оролцож байсан чадварлаг, туршлагатай моделиудын нэг билээ.  Анхны амьдралдаа загвар өмсөгч залууг сонгоод бүтэлгүйтсэн С.Төгс өдгөө Э.Сийлэн нэртэй хөөрхөн охиноо өсгөөд хувийн карьерээ тун ч амжилттай өсгөж яваа ганц бие ээжүүдийн нэг. Гадаадын загварын агентлагуудтай гэрээгээр ажиллахын сацуу реклам сурталчилгаанд үргэлж уригддаг тэрбээр ойрын хугацаанд дахин гэр бүлийн амьдрал зохиох бодолгүй байгаагаа хэлсэн.

Загвар өмсөгч С.Эрдэнэцогтоос салаад мөн л загвар өмсөгч Ч.Сүбээдэй агсантай нэр холбогдож байсан тэрбээр загварын ертөнцөөс дахин хайр дурлалаа эрэхгүй байхаар хатуу шийдсэн гэдэг. Тиймдээ ч олны хараанд байнга өртөж явдаг бүсгүй маань энэ удаа сошиал орчиноор найзын тухай бодлоо хуваалцажээ. Тэрбээр бичихдээ "Хэрэгтэй хүнтэй найз байх нь чухал ач холбогдолтой гэх юм тэр хүнд би хэрэгтэй болохоор л найз болох гээл үзээд байна гэж ойлгох уу, Тэгээд найз гэдэг чинь хоорондоо бүх зүйл ярьдаг уулздаг жаргал зовлонгоо хуваалцдаг хүнийг хэлдэг болохоос хэрэгтэй учраас амьдралдаа байлгадаг хүнийг хэлдэггүй биздээ. Яг үнэндээ хувь хүний нь хүндэлдэггүй зүгээр хэзээ нэгэн цагт хэрэг болноо гээл алтан цагаасаа хугаслаж дуртай дургүй уулзаж цагийг өнгөрөөнө гэсэн үг юм уу? мэдэхгүйээ миний сэтгэхүй биш байна. Ер нь ижил филисофитой хүмүүс хоорондоо "найзалдаг″ байх. Миний үзэл бодол бол биш байна” гэжээ. С. Төгсийн  дотроо бодож явдаг найз гэдэг хүн нь ийм л байх ёстой бололтой.

Х. ЭНАЯА

PHOTONEWS.MN