КАТАР-2022: Саудын Арабын хаан тамирчдадаа Rolls-Royce загварын машин бэлэглэнэ

Хөлбөмбөгийн ДАШТ-ий хоёрдугаар хагаст Саудын Араб хоёр гоол дараалан оруулж, 100 гаруй минут үргэлжилсэн тоглолтын төгсгөлд Саудын Араб 2:1 харьцаатайгаар дэлхийн аварга Аргентиныг буулган авсан санаанд оромгүй үйл явдал болсон билээ. Дэлхийд  чансаагаараа 51-т бичигддэг Саудын Арабын баг тэргүүлэх гурван багийн нэг Аргентиныг ялсан нь томоохон дуулиа дэгдээгээд буй. 

Анх 1994 оны ДАШТ-ий үеэр Саудын Арабын баг хамгийн муу чансаатай байсан тул тус улсын хаан Бельгитэй хийх тоглолтын үеэр нэг л гоол оруулбал "Rolls-Royce" бэлэглэнэ хэмээн амласан удаатай. 

Энэхүү түүхэн амжилтын дарагаар Саудын Арабын хаан Салман шигшээ багийн тамирчин бүрт "Rolls-Royce" загварын машин бэлэглэх тухай орон нутгийн хэвлэлүүд мэдээлжээ. "Rolls-Royce" загварын машины хамгийн сүүлчийн загвар нь 465 мянган ам.доллароор үнэлэгддэг аж. 

Саудын Арабын дараагийн учраа нь маргааш буюу арваннэгдүгээр сарын 26-нд Польшийн эсрэг болно.