АН-ын жагсаал буюу УРАЛДААНТ АКЦ

Энэ сарын 5-нд ард түмний жагсаал МАН-аас хариуцлага нэхнэ гээд л АН-аас зохион байгуулах гэж бөөн ажил. Үүнийгээ дагаад бөөн сүржин мэдэгдлүүд ар араасаа хөвөрсөөр...

Гэхдээ энэ нь ард түмэнд бол тийм ч ашигтай биш харагдаад байна. Ёстой ирэх сонгуулийн хар ПИ-АР-аа л жилийн өмнөөс АН хэрэгжүүлж эхэлсэн төдий. Өөрөөр хэлбэл УИХ-д бүлэггүй болсон АН төрийн ордноос гарч, уур уцаараа ард түмний нэр барин төрийн ордоноо гороолох хэлбэр төдийхөн. Ер нь засгаас гарсан үе үеийн намуудын хийдэг хаврын синдром. Ард түмний нэр нүүрийг барьж нөгөөгөө харлуулах гэсэн өрөвдөлтэй оролдлого мэт.

Хамгийн хачирхалтай нь МАН-ын засгийн газраас хариуцлага нэхэх бас сайн дурын жагсаал гэх нэрийдсэн боловч АН дотроо уралдаан акц зохион байгуулаад хамгийн олон хүн авчирсан “намын үүр”-ээ сая /1000000/ төгрөгөөр урамшуулна гэх. Бүр нэг үүр 100-гаас дээш хүн авчирах ёстой гэсэн заалт ч оруулсан байх шиг.

Эргэн сануулахад 2008 оны 7 дугаар сарын 1-ны өдрийнх шиг зохион байгуулалттайгаар үймээн үүсгэх замаар төрд суудал олох оролдлого ч хийхийг үгүйсгэхгүй. Байж болох л хувилбар.

BOLOD.MN