Ардын элчийн Ариунаа буюу БНМАУ-ын гавьяат жүжигчин П.Цэвэлсүрэн

Ардын элчийн Ариунаа буюу БНМАУ-ын гавьяат жүжигчин П.Цэвэлсүрэн. /1933-1990/
1959 оны Москвагийн олон улсын кино наадамд БНМАУ “Ардын элч” киногоор оролцон уг киноны Ариунаагийн дүрийг бүтээсэн Пүрэвийн Цэвэлсүрэн “Шилдэг эмэгтэй дүрийн” шагнал авч байв. Дэлхийн нэр хүндтэй кино наадмуудаас Монголд ирсэн цорын ганц шагнал нь энэ юм. 
Дундговь аймгийн Дэлгэрхангай сумын харьяат, Монгол улсын гавьяат жүжигчин,дуучин энэ хүн манай дуурийн урлагийн томоохон төлөөлөгчийн нэг байсан гэдэг. “Учиртай гурван толгой” дуурийн Нансалмаа, “Евгений Онегин” дуурийн Татьяна, “Игорь ван”-гийн Ярославна, Мөн дэлгэцийн "Тунгалаг Тамир"-ын Долгор "Ардын элч"-ийн Ариунаа "Уулзалт"-ын Дэжид гээд олон сайхан дүрээрээ ард түмний дунд мөнхөрсөн хүн билээ.