ЗТХЯ-НД ГАРСАН ХҮН АМИНЫ ХЭРЭГ САЙД АСАН Ж.БАТ-ЭРДЭНИЙН ӨРӨӨНӨӨС ЭХТЭЙ ГЭВ ҮҮ

 

Энэ оны наймдугаар сарын 9-ний 22:00 цагийн үед Зам тээврийн яамны албан тушаалтанууд ажлынхаа байранд архидан согтуурсаны улмаас маргалдаж зодолдсоноос нэгнийхээ аминд хүрсэн хэрэг гарсан. 

Тэгвэл тухайн үед дэд сайдаар ажиллаж байсан С.Цогтгэрэл “Ж.Бат-Эрдэнэ сайдын өрөөнөөс эхлэлтэй архидалт хүний аминд хүрсэн” гэх мэдэгдэл цахим сүлжээнд өндөрөө авч байна. Энэ асуудал Ж.Бат-Эрдэнэ сайд асанд хүндээр туссан бололтой, тэд цахим орчинд үгийн дайн хийж байна. 

Харин үүний дараа сайд асан Ж.Бат-Эрдэнэ “...Тэгэхлээр нь Хан Хурмаст Болдоггүй Бор өвгөнийг даруулахаар Дарваан хар сармагчнаа явуулж гэнэ. Дарваан гэдэг сармагчин нь ирээд ханын нүдээр шагайж худал ярьж гүтгэн доромжилж байгаад нүүргүй нүүрээ шалзлуулаад буцаж гэнэ ээ” хэмээн жиргэжээ.

Нэгэн үед хамтдаа яам толгойлж явсан сайдуудын тэмцэл хэрхэн төгсөхийг харах л үлдэж байна. Хамгийн сонирхолтой нь Ж.Бат-Эрдэнэ сайд асан албан ёсоор үгүйсгээгүй байна. 




 

П.ГОО