Э.Должидмаа 61 мянга гаруй улиас, бургасыг мөчрөөр үржүүлэн ургуулжээ
“Амьдрах орчноо сайжруулж, өрхийн үйлдвэрлэлийг дэмжих жил”-ийн хүрээнд Мөрөн сумын иргэн Э.Должидмаа мод үржүүлгийн талбайд 61,150 ширхэг улиас, бургасыг мөчрөөр үржүүлэн амжилттай ургуулж байна.
Байгаль орчны газрын дэргэдэх мод үржүүлгийн газрыг үнэ төлбөргүй ашиглуулах гэрээг төр, хувийн хэвшлийн түншлэлийн хүрээнд байгуулсан. Энэ хүрээнд Э.Должидмаа хоёр га талбайд улиас 60,000, бургас 1,500 ширхэгийг тарьжээ. Энэ нь 92.2 сая төгрөгийн орлого олох боломж бүрдүүлсэн байна.
Цаашид Мөрөн суманд 50 га агро-ойн аж ахуйн талбай байгуулж, хүнсний хангамжийг нэмэгдүүлэх, төмс, хүнсний болон нарийн ногоо тариалагч иргэд, мөн мод үржүүлгийн чиглэлээр ажиллаж буй аж ахуй нэгжүүдэд газар олгож олон талт хэрэгцээг ханган ажиллахаар төлөвлөжээ.
