Нэг чигийн хөдөлгөөнтэй болгосон замуудад цагдаа зохицуулалт хийж ажиллана

196 Уншсан

2019/07/25

Улаанбаатар хотын таван замыг өнөөдрөөс эхлэн нэг чигийн хөдөлгөөнд оруулж байгаа. Энэ талаар Тээврийн цагдаагийн албанаас мэдээлэл хийлээ. Тухайлбал, "Хичээл цуглаж, автозамын ачаалал нэмэгдэх үеэс өмнө эхлүүлж, жолооч нарыг дасгах бөгөөд эхний ээлжинд торгохгүй, цагдаа тогтмол зохицуулалт хийж ажиллана. Бидний тооцооллоор наймдугаар сарын 20-ноос ачаалал буурна гэж үзэж байгаа"хэмээн албаныхан тайлбарлалаа.

Чингэлтэй дүүргийн гурав, Баянзүрх дүүргийн хоёр цэгт авто замыг нэг чигийн хөдөлгөөнтэй болгох зохицуулалт хийж байна. Тодруулбал,

Чингэлтэй дүүргийн хувьд "Компьютер ланд"-ын орчмын баруун замыг хойноос урагшаа нэг чиглэлт, зүүн замыг урдаас хойшоо нэг чиглэлд оруулж байгаа.
"Тэди" худалдааны төвийн зүүн замыг хойноос урагшаа, "Найман шарга"-ын баруун замыг урдаас хойшоо нэг чиглэлд;
"Мөнгөн завъяа" төвийн зүүн замыг урдаас хойшоо чиг чиглэлд;
Баянзүрх хүнсний захын баруунаас хойшоо, урд зам нь баруунаас зүүн чиглэлд;
"Американ дэнж"-ийн урд замыг зүүнээс баруун чиглэлд нэг чигийн хөдөлгөөнд орж байгаа.

Зургаар харуулбал,

Чингэлтэй дүүргийн 1-р хороо, Ард кино театр, 23 дугаар сургууль, Мөнгөн завьяа орчмын орон сууцны хороолол дундуур өнгөрдөг зарим замыг