Майкл Жексоны амьдралын сүүлчийн 24 цагийн зарим баримт
Майкл Жексоны амьдралын сүүлчийн 24 цагийн зарим баримт
Дэлхийн поп хөгжмийн хаан Майкл Жексон ертөнцийн мөнх бусыг үзүүлсэнээс хойш арван жил өнгөрч байна. Тэрээр 2009 оны зургаадугаар сарын 25-нд нас нөгчсөн билээ.
Майкл Жексоныг нас нөгчсөнөөс хойш арван жилийн дараа түүний амьдралын сүүлчийн цагуудын тухай шинэ баримтууд тодорхой болжээ. Балетмейстер Трэвис Пейн энэ өдөр дуучны дэргэд байсан байна.
“Би үд дундын хавьд тэднийд ирсэн юм. Бид хэдэн цаг сунаж унтлаа бүжиглэж билээ” гэж Трэвис Пейн телевизийн CNN сувгийн сурвалжлагчид хэлжээ.
Балетмейстер хэлэхдээ, зургаадугаар сарын 24-нд дуучин концертын шинэ хөтөлбөрийн дагуу сургуулилт хийхээр Лос-Анжелесын төвд байдаг Стейплс-төвд очсоныг дурдсан байна.
“Бид шоуны бүтэн сургуулилт хийсэн юм. Бүх зүйл хэвийн байснаас гадна, ямар нэг зүйл биш байна даа гэсэн шинж тэмдэг огт харагдаагүй” гэж тэр төгсгөлд нь хэлжээ.
Сүүлчийн сургуулилтын үед хөгжмийн захирал Майкл Бирден Жексонтой хамт байсан байна.
“Тэр шаардлагатай бүх зүйлийг бие даан хийж чадсан, саад бэрхшээл гараагүй, бүх зүйл хэвийн байсан” гэж Бирден тэмдэглэжээ.
Майкл Жексон багийнхандаа баяртай гэж хэлээд, шөнө дундын хавьд дээрх төвөөс явсан байна.
“Түүнийг явахын өмнө бид түүнд: “Хайртай шүү” гэж хэлэхэд, тэр “Би ч та нарт илүү сайн, маргааш уулзатлаа баяртай” гэж билээ хэмээн Пейн дурсамжаа хуваалцжээ.
Энэ нь тэдний сүүлчийн уулзалт байсан байна.
Жексон удаан хугацаагаар нойргүйдэлд шаналж байсан бөгөөд тэр шөнө би мансууруулах бодист хамаардаг хүчтэй үйлчлэл бүхий пропофол гэдэг эмийг түүнд өгөхийг хүссэн юм гэж дуучны эмч Конрад Мюррей ярьж байжээ.
Эмч нар урьд нь түүнд илүү сул үйлчлэлтэй өөр эмүүд өгч байсан ч, эдгээр нь Жексонд зохих үйлчлэл үзүүлдэггүй байсан байна.
Майкл Жексон пропофол өгөөч гэж надаас удаа дараа гуйж байсан ч, би түүнд ийм эм өгөхөөс татгалгалздаг байсан гэж Мюррей дурджээ.
Цагдаагийн байгууллагын мэдээлсэнээр, хэдэн цаг гуйсных нь эцэст Мюррей зөвшөөрч, пропофол бүхий дуслын тариаг түүнд залгасан байна.
Дуучин амьсгалж байгааг Конрад Мюррей хэдэн цагийн дараа харжээ.
Тийнхүү Майкл Жексон эм бэлдмэлийн тун хэтрүүлсэнээс болоод нас нөгчсөн байна. Энэ эмгэнэлт явдал 2006 оны зургаадугаар сарын 25-нд болсон юм.
С.Инда
Bataar.mn
