Иран ураны баяжмалаа дахин үйлдвэрлэнэ

Ираны ерөнхийлөгч Хасан Рохани Исламын бүгд найрамдах улс, дэлхийн хүчирхэг орнууд 2015 онд байгуулсан гэрээгээр хүлээсэн амлалтаа биелүүлэхгүй бол ураны баяжмалын үйлдвэрлэлээ дахин сэргээнэ гэж мэдэгджээ. Тэрээр энэ мэдэгдлээ АНУ гэрээнээс гарснаас хойш жилийн дараа хийсэн байна. Мөн телевизэд өгсөн ярилцлагадаа Хасан Рохани гэрээнд гарын үсэг зурсан Их Британи, Франц,ОХУ, БНХАУ, Герман оронд банкны салбараа хамгаалах, Ираны газрын тосыг худалдахыг хориглосон АНУ-ын хоригийг эсэргүүцнэ гэж амласнаа биелүүлэхэд 60 хоногийн хугацаа өгсөн гэж дурджээ. Ираны Засгийн газар цөмийн гэрээнд гарын үсэг зурсан орны Элчин сайд нарыг шилжүүлснээс гадна  АНУ-ын ерөнхийлөгч Барак Обаматай 2015 оны долдугаар сард байгуулсан гэрээнд багтсан  зарим амлалтаасаа татгалзана гэж Ираны “IRIB” телевиз мэдээлсэн байна. Түүнээс гадна  Ираны цөмийн зэвсгийн хөтөлбөрийг НҮБ-ын Аюулгүй байдлын зөвлөлөөр хэлэлцүүлбэл Иран шийдвэртэй хариу өгнө гэж сануулжээ.

Эх сурвалж: “Зууны мэдээ” сонин

Х.ОЮУНБОЛД