Монголоос хүний гавлын 35 мянган жилийн настай яс оллоо
Их Британийн Оксфордын их сургуулийн судлаачид Монголоос олдсон хүний гавлын ясыг судлаад орчин үеийн хүний хамгийн эртний үед хамаарах гавлын яс болохыг тогтоосон байна. Их сургуулийн албан ёсны сайтад мэдээлснээс үзэхэд ясанд хийсэн ДНК-ийн шинжилгээгээр Монголын Салхитын хөндийгөөс олсон энэ олдвор нь судалгааны хамгийн нууцлаг үлдэгдэл болно гэж үзжээ.
Энэ бол өнөө болтол олдсон плейстоцены гоминидын цорын ганц олдвор юм байна. Үүнд судлаачид Mongolanthropus гэсэн нэр өгчээ.
Оксфордын эрдэмтэд гавлын ясны насыг 33900-34950 жил гэж тогтоосон нь өмнө нь олдож байсан олворуудаас хамгийн багаар бодоход найман мянган жилийн өмнөх болж байна гэжээ.
Х.Өлзийбаяр
