Тарваган тахал өвчнөөс урьдчилан сэргийлэх ажлыг эрчимжүүлэв
Тухайлбал, Баянзүрх авто техникийн шалган бүртгэх товчоонд дүүргийн Мэргэжлийн хяналтын хэлтэс, Цагдаагийн III хэлтэс, Замын цагдаагийн тасаг зэрэг мэргэжлийн байгууллагууд хамтран 24 цагийн турш гурван ээлжээр хяналтын хөдөлгөөнт эргүүл ажиллаж байгаа юм. Мөн авто техникийн шалган бүртгэх бусад товчоодоор дамжин өнгөрч байгаа тээврийн хэрэгсэлд мэргэжлийн байгууллагуудаас хяналт тавьж, тарваган тахал өвчнөөс урьдчилан сэргийлэх заавар, зөвлөгөөг иргэдэд өгч байна.
Одоогийн байдлаар дүүргийн нутаг дэвсгэрт тарваган тахал өвчин илэрсэн тохиолдол бүртгэгдээгүй болохыг албаны эх сурвалж мэдээлсэн. Гэсэн хэдйи ч иргэдийг Тарвага агнах, өвчих түүний мах, түүхий эдтэй харьцахаас зайлхийж үхсэн мэрэгч амьтдын сэг зэмтэй тааралдвал дүүргийн Онцгой байдлын дуудлага хүлээн авах 262741, 460310 дугаарт болон бусад холбогдох мэргэжлийн байгууллагад шуурхай мэдээллэхийг Баянзүрх дүүргийн Онцгой комиссоос уриаллаа хэмээн Баянзүрх дүүргийн ЗДТГ-ын Хэвлэл мэдээллийн албанаас мэдээллээ.
