Судалгаа: 2100 он гэхэд хэт халууны улмаас жилд 150 мянган европчууд амиа алдах болно
2100 он хүртэл арга хэмжээ авахгүй бол Европт хэт халууны улмаас жил бур 150 мянга гаруй хүн үхэх болно. Энэ тухай Европын Комиссын хамтарсан судалгааны төвийн мэдээллийг иш татан, Naftemporiki мэдээлсэн байна.
Хэвлэлд мэдээлснээр, энэ үзүүлэлт уур амьсгалтай холбоотой нас баралт нь одоогийн дүр зургаас 50 дахин их байхыг харуулж байгаа аж. Эдгээрийн 99% нь зөвхөн халуун дулаанаас үүдэлтэй байх юм гэж тэмдэглэсэн байна. Энэ цаг агаарын өөрчлөлтөд хамгийн өмнөд хэсгийн Европчууд эхэлж өртөнө гэжээ.
"Европын ард түмний төлөө, дэлхийн дулааралд дасан зохицох талаар зохих арга хэмжээ авахгүй бол, цаг агаартай холбоотой эрсдэлийг огцом нэмэгдэхэд хүргэнэ. Бидний үр дүнгийн тэргүүлэх ач холбогдол нь хүний биед сөрөг цаг агаарын нөхцөл байдлын тэгш бус нөлөөг шийдвэрлэхийн тулд бүс нутгийн хөрөнгө оруулалт хамгийн чухал юм" гэж судалгааны материалд тайлагнасан байна.
Судалгаагаар мөн Европ дахь халууны улмаас нас баралтыг эргийн үерийн түвшин ч бас харьцангуй ихээр нэмэгдүүлэх болно гэж тогтоожээ. 2100 онд нэг өдөрт дунджаар 233 хүн нас барах нь 2000 оныхоос бараг 40 дахин их юм.
М.Баяр
