Бусдаас бурууг хайсан буруу жишиг Ондогийнх

Хамгийн сүүлд хийсэн хэвлэлийн бага хурлын үеэр “Ондо Холдинг” ХХК-ийн гүйцэтгэх захирал Б.Мандуул “Манайх 90 хувь дата-д суурилсан үйлчилгээ үзүүлэгч компани” хэмээн зарлаад, ХХЗХороо бусад операторуудтай шүүхийн маргаантай байгаагаас болж орон нутагт үйл ажиллагаагаа тэлж чадаагүй, алдагдсан боломжийн тухай дурдсан билээ. Гэтэл үнэхээр дата-д суурилсан үйлчилгээ үзүүлэгч компани бусад оператор компаниас үл хамааран орон нутагруу үйлчилгээгээ тэлэх боломж бүрэн байжээ.

Хэрэглэгчиддээ өгсөн амлалтдаа хүрч, орон нутагруу тэлэлт хийгээгүй шалтгаанаа ийнхүү бусдын буруу болгон тайлбарлаж байгаа нь харамсалтай. Учир нь дата хэрэглээнд харилцан холболт огт хамааралгүй, үйл ажиллагаа явуулах боломжтой гэдгийг Улаанбаатар хотод хэдийн үйл ажиллагаагаа хэвийн явуулж буй Ондо брэнд хэнээс ч илүү мэдэх учиртай.  Датаны чанарт харилцан холболт нөлөөгүй юм.