Сурагчдын III улирлын хичээл эхэллээ

2021-2022 оны хичээлийн жилийн гуравдугаар улирлын хичээл өнөөдөр эхэлж байна. Ерөнхий боловсролын сургуулийн бага ангийн сурагчид энэ улиралд найман долоо хоног хичээллэнэ. Харин дунд болон ахлах ангийнхны хувьд гуравдугаар улирал есөн долоо хоног үргэлжлэх юм. Өөрөөр хэлбэл, бага ангийнхан зургаадугаар сарын 3-нд, дунд, ахлах ангийнхан мөн сарын 10-нд хичээллээд амрахаар байна.