Бүдүүн миссийн бодит түүх
Жоанна хэмээх Малайз охин 13 настайдаа л 100 гаруй килограмм жинтэй болжээ. Тиймээс ч охиныг таньдаг мэддэг хүмүүс хэзээ ч түүнийг гоолиг сайхан бүсгүй болно, гоо бүсгүйн тэмцээнд өрсөлдөнө чинээ төсөөлж байсангүй.
Охин илүүдэл жинтэй бусад охидын л адил ичиж, шаналдаг байв. 7 настайдаа 60 кг жинтэй болсон охиныг байж болох бүхий л хочоор дууддаг байжээ. Энэ бүгдээс болж Жоанна бүрэг ичимхий, гомдомтгой болжээ.
Охины эцэг эх нь дороо л халаглаж, “Хоолоо битгий ид. Толинд хар. Хэнтэй адилхан байна вэ” гээд л хашхичдаг байв. Гэвч Жоанна ингэлээ гээд хоолны дуршил нь багасахгүй, улам л иддэг хэвээрээ байлаа.
Ингэж явсаар 13 нас хүрч, нэг л сайхан өдөр зуршлаа өөрчлөх хэрэгтэй юм байна гэж боджээ.
Жоанна өглөөгүүр гүйж, гурилан болон чихэрлэг зүйлсээс татгалзаж эхлэв. Жижиг тавгаар хооллож болжээ.
Ингээд л ангийнхныхаа нүдэн дээр илт өөрчлөгдөж эхэлсэн Жоаннаг хүмүүс хориотой эм бэлдмэл хэрэглэж турсан зэргээр гоочилж, элдэв хоч нэр нэмж зүүх болжээ.
Гэхдээ зорилгодоо хүрэхдээ атаархагчдын хэлсэн үгийг тоох хэрэггүй байдаг. Тэр дагуу Жоанна ч тэдний үгийг тоосонгүй. Дөрөвхөн жилийн дотор 52 кг хаясан охин гоо бүсгүйн хэд хэдэн тэмцээнд оролцож, “Селангор мисс” цол хүртжээ. Үүгээр охин зогссонгүй. Өдгөө тэрбээр загварын хэд хэдэн агентлагтай хамтран ажиллаж, Энэтхэгийн гоо бүсгүйн тэмцээнүүдэд оролцож байна.
Жоанна илүүдэл жингээ ямар нэгэн дасгалжуулагч, хоол судлаачидгүйгээр хассан юм. Мөн тэрбээр хэзээ ч элдэв тураах бэлдмэл хэрэглэж байсангүй. Харин нөр их хөдөлмөрийнхөө дүнд өнөөгийн гоо сайхнаа цогцлоож чаджээ.Жонна Жозеф бол Малайзын хамгийн сайхан охидын нэг. Харин ангийн хүүхдүүд нь нэгэн цагт бүдүүн байсан энэ охин одоо ийм сайхан болчихсон яваатай хэзээ ч эвлэрч чадахгүй явна
