Хүлэрт намаг бүхий газрыг тусгай хамгаалалтад авахыг дэмжжээ

Хүлэрт намаг, цэвдэг бүхий ус намгархаг газар нь олон амьд биетний амьдрах эко систем болж өгдөг ач холбогдолтой. Тиймээс ус намгархаг газруудыг тогтоож, тусгай хамгаалалтад авах нь зайлшгүй шаардлагатай байгааг байгаль орчны мэргэжилтнүүд хэлсээр ирсэн.

Нийслэлийн Байгаль орчны газраас Баянзүрх дүүргийн 20 дугаар хорооны нутаг дэвсгэр Гачуурт голын хөндийн Бага Шар хоолойн Бэрх төгөл орчмын хүлэрт намаг бүхий 103 га, Гурван модны булаг, Доод төгөл орчмын усны шувууд цуглардаг намаг бүхий 81 га, Дээндийн нурууны зэрлэг амьтдын тархац, нүүдлийн зам дагасан ойн сан бүхий 6130 гагазрыг орон нутгийн тусгай хамгаалалтад авах асуудлыг Нийслэлийн иргэдийн төлөөлөгчдийн хуралд оруулж дэмжүүлсэн байна.

Дараагийн нэгдсэн хуралдаанаар уг асуудал хэлэлцэгдэж эцэслэн шийдвэрлэгдэх аж.