Насанд хүрээгүй иргэдийг хар тамхинд уруу татсан байж болзошгүй хэргийг шалгаж байна

Төв аймгийн Жаргалант сумын Баянбулаг 3 дугаар багийн нутаг Агтын хөндий гэх газарт иргэн эрэгтэй Т, Б, Э, насанд хүрээгүй эмэгтэй А, Э нар нь мансууруулах төрлийн "Каннабис" гэх ургамал хэрэглэж, мөн "Аксент" маркийн тээврийн хэрэгслээр тээвэрлэж явсныг илрүүлэн шалгаж байна. Хар тамхи мансууруулах бодисын хэрэглээ хүрээгээ тэлж, залуус машиндаа мансуурсан байдалтай олдлоо гэх мэдээлэл ойр ойрхон дуулдах болсон. Улмаар хар тамхинд  донтсон залуус энэхүү хууль бус үйлдэлдээ насанд хүрээгүй хүүхдүүдийг уруу татах болсон нь анхаарал татаж байна. Дээрх тохиолдолд л гэхэд Т, Б, Э гэх залуус насанд хүрээгүй хоёр эмэгтэй хүүхдийг уруу татаж, хар тамхи татуулсан байж болзошгүй нөхцөл байдал тогтоогдоод байна.