Уул уурхайгаас үүдэж Дундговь аймагт 2059,4 га газар эвдэрч унаган төрхөө алджээ

Уул уурхай болон ашигт малтмалын олборлолтоос болж сүүлийн жилүүдэд Монгол орны газар нутаг ихээр эвдэрч байгаа.

Зарим эвдэрсэн газарт нөхөн сэргээлт хийлгүй тэр чигээр нь хаяад ор сураггүй алга болох үзэгдэл ч байгааг албаныхан хэлж байна.

Тодруулбал Улсын хэмжээнд ашигт малтмалын олборлолтоос болж Сэлэнгэ аймагт хамгийн их буюу 2077,9 га, Дундговь аймагт 2059,4 га, Говь-Алтайд 662,5 га, Хэнтий аймагт 372,8 га, Өмнөговь аймагт 342,0 га, Дорнод аймагт 115,34 га газар эвдэрч унаган төрхөө алдаад байна.