Газрын тосны үнэ 4.3 хувиар буурч, баррель нь $77 болов

Брент төрлийн газрын тосны үнэ 4.2 хувиар унаад байна.

Газрын тосны үнэ "өснө" гэсэн таамаглал бүдгэрч байна гэж шинжээчид үзэж байна. Өнгөрсөн арилжаагаар WTI төрлийн газрын тосны үнэ 4.3 хувиар унаж, баррель нь 77.37 ам.доллар болж, сүүлийн гурван сарын доод түвшинд хүрлээ. Харин брент төрлийн газрын тосны үнэ 4.2 хувиар унаж,  баррель нь 81.61 ам.доллар буюу мөн л зургаадугаар сараас хойших доод түвшинд хүрээд байна.

Израил-ХАМАС-ын хоорондын дайн эхэлсэнтэй зэрэгцээд газрын тосны үнэ сүүлийн гурван долоо хоногт эрс унаад байгаа юм. Газрын тосны хэрэглээгээр тэргүүлэгч БНХАУ-д эрэлт тааруу байх төлөвтэй байгаа нь үүнд голлон нөлөөлөхөөр байна.

Үүнээс гадна АНУ-д шатахууны хэрэглээ эрс буурч байгаа нь газрын тосны эрэлт буурах эрсдэлийг нэмэгдүүлж байгаа аж.

Ц.Бадмаараг

Bloomberg Tv