“Apocalypto” киноны Ирвэсний савар буюу Руди Янгблад

Бидний “Apocalypto” киногоор нь сайн мэдэх Руди Янгблад тун удахгүй Монгол Улсад айлчлан ирэх гэж буйг дуулгахдаа таатай байна. Ингээд алдарт жүжигчин Руди Янгбладын талаарх хүн бүрийн мэдээд байдаггүй амьдралын түүхийг толилуулж байна.

Тэрбээр уугуул Америкийн Команче болон Крей овгийнхны үр сад бөгөөд Техас мужийн Белтон хэмээх жижиг хотод 1982 оны есдүгээр сарын 21-ний өдөр төрж, уг хотдоо ахлах сургуулиа дүүргэсэн юм. 

Аравхан насандаа бяцхан Руди барилгын талбайд ажиллаж эхэлсэн бөгөөд модон эдлэл урлах, өрлөг хийх чадвараа тэндээс эзэмшсэн аж. Ахлах сургуулиа төгсөх нь түүний хувьд тийм ч амар зүйл байсангүй. Тэрээр сургуулиа орхихыг хэд хэдэн удаа оролдсон ч эцэг эхийнхээ ятгалгаар 2000 онд Белтон ахлах сургуулийг төгсжээ.

Руди уг дүрдээ их хайртай ба уг кинонд тоглосноороо үнэхээр бахархаж явдаг хэмээн нэгэн сэтгүүлд өгсөн ярилцлагадаа дурдсан байдаг. 

Руди ахлах сургуульд байхаасаа л урлагт авьяастай гэдгээ нотолж урлагийн наадамд оролцон түрүүлж байсан бөгөөд сургуулиа дүүргэсний дараа уг авьяасаа ашиглан Уугуул Америкчуудын  бүжгийн театрт ажиллаж эхэлсэн юм. 2005 онд тэрбээр өөрийн тайзны бүтээлээ туурвихаар шийдэж Америкийн кино урлагийн төв болох Лос Анжелес руу хүлгийн жолоо заллаа.

“Сахиус: Долоо дахь гал” (Spirit: The Seventh Fire) киноны сахиусны дүрийг бүтээснээр түүний дэлгэцийн уран бүтээлийн замнал эхэлсэн гэж хэлж болно.

Уг дүр нь түүний кинонд бүтээсэн анхны дүр байсан ба уг кино үзэгчид болон кино шүүмжлэгчдээс чамлахааргүй өндөр оноо авсан юм. Дараа жил нь алдарт кино жүжигчин, найруулагч Мел Гибсоны "Apocalypto" бүтээлд гол дүрийг бүтээснээр тэрбээр олонд танигдсан билээ.

Ахлах сургуульд байхдаа гүйлтийн тамирчин байсан тэрбээр “Apocalypto” кинонд тоглохдоо орлон тоглогч ашиглаагүй ба бүх аюултай хэсгүүдийг өөрийн биеэр гүйцэтгэжээ

Руди уг дүрдээ их хайртай ба уг кинонд тоглосноороо үнэхээр бахархаж явдаг хэмээн нэгэн сэтгүүлд өгсөн ярилцлагадаа дурдсан байдаг. “Apocalypto” киноны Jaguar Paw буюу Ирвэсний саврын дүрийг бүтээхийн тулд Руди хэдэн долоо хоногийн турш бэлтгэх хэрэгтэй болжээ.

Хамгийн гайхалтай нь тэрбээр уугуул Маяа хэлийг сар хүрэхгүй хугацаанд бүрэн сурсан байна.

Хамгийн гайхалтай нь тэрбээр уугуул Маяа хэлийг сар хүрэхгүй хугацаанд бүрэн сурсан байна. Ахлах сургуульд байхдаа гүйлтийн тамирчин байсан тэрбээр “Apocalypto” кинонд тоглохдоо орлон тоглогч ашиглаагүй ба бүх аюултай хэсгүүдийг өөрийн биеэр гүйцэтгэсэн байна. Мэргэжлийн орлон тоглогч бэлтгэгч Мик Роджерс түүнийг тодорхойлохдоо "Тэр бол төрмөл тамирчин.

Тэр юу хийхээ мэддэгийн сацуу хийсэн зүйл нь үргэлж шилдэг байдаг. Тэр жүжигчин болоогүй бол гайхамшигтай орлон тоглогч байх байсан юм" гэжээ. Руди Янгблад үүнээс гадна “Wind Walkers”, “Into the Americans”, “Beatdown” гэх мэт кинонуудад гол болон туслах дүрүүдийг бүтээсэн юм.

“Wind Walkers” киноны талаар ярилцлага өгч байх үедээ

Руди Янгблад ихэнхдээ киноны үйл явдал дунд гал халуун хайртай холбоотой дүр бүтээдэг ч бодит амьдрал дээр найз бүсгүйгүй аж.

Руди уугуул Америк гаралтай цөөн хэдэн алдартай жүжигчдийн нэг бөгөөд хүүхэд ахуй наснаасаа эхлэн олон асуудал, бэрхшээлтэй нүүр тулж байсан ч шантралгүй өнөөгийн карьераа босгож чадсан мятаршгүй нэгэн юм.

Тэр боломж л олдвол залуу үеийнхэнтэй уулзаж тэднийг дэмжих дуртай. Өөрийнхөө туулж өнгөрөөсөн түүхийг бусад залууст сургамж болж алдрын оргил хүртэл цуцашгүй тэмцэх урам зоригийг өгнө хэмээн итгэж явдаг уг бүтээлч чадварлаг жүжигчин Руди Янгблад 2019.05.01-2019.05.07-ны хооронд “Hollywood in Mongolia” арга хэмжээний зочноор уригдан Монголд айлчлан ирэх болсныг дахин баяртайгаар дуулгаж байна.

Б.Намуун