Бензиний үнэ нэмэгдээд байхад бодлого хариуцсан дарга нар нь гадаадад зугаалж явна Ерөнхий сайд аа!
Сүүлийн өдрүүдэд ард түмэн их бухимдаж төрд итгэх итгэл нь алдарч байна. Монголын төрийн толгойд амин хувиа бодсон ардыг алаг үзсэн хүмүүс суугаатай холбоотой. Шуудхан хэлэхэд У.Хүрэлсүх гэж "бага дарга” бол Засгийн газар удирдах хэмжээний улстөрч биш гэдгийг ард түмэн ойлгож авлаа. Тэр бол Онцгой байдлын дарга ч юм уу, эсвэл Шударга өрсөлдөөний хэрэглэгчийн төлөө газрын дарга байвал зохимжтой хэмээн "улс төрийн зурхайд” бууж байна. Түүнээс бодлого боловсруулдаг, хариуцлага хүлээлгэдэг, дорвитой шийдвэр гаргадаг, ард түмний талд зогсох хүн биш байна. Засгийн газрын бүрэлдэхүүнд ажиллаж байгаа нөхөд ч түүнийг шүдгүй арслан гэдгийг ойлгосон бололтой.
Ард түмэн бензиний үнийн нэмэгдлийг эсэргүүцээд Төрийн ордонг гороолж байхад Монгол Улсын түлшний бодлого хариуцсан хүмүүс нь гадаадад зугаалж явна. Уг нь тэд өнөөдөр үнийн өсөлтийг зогсоох гарц хайгаад ард түмнийг бухимдуулах түлшний бодлогыг зохицуулаад явж байх ёстой байв. Гэтэл Уул, уурхай хүнд үйлдвэрийн яамны Түлшний бодлогын газрын дарга Ч.Чулуунбат Канад улсад хэрэгжүүлэгч АМГТГ-ын Газрын тосны асуудал хариуцсан орлогч дарга Ц.Эрдэнэбаяр ОХУ-д зугаалж явна. Ч.Чулуунбат нь Монгол банкны ерөнхийлөгч Н.Баяртсайханы хүргэн гэдгээрээ толгой дээгүүр явдаг гэнэ. Албан болон хувийн ямарч ажил байсан тэр хүмүүс бензиний үнэ нэмэгдсэн яг энэ үед ажлаа хийгээд арга замаа хайгаад сууж байх ёстой байсан юм. Бодлогыг боловсруулдаг яамны дарга, хэрэгжүүлдэг газрын асуудал хариуцсан дарга нар тоохгүй байхад бензиний үнэ хэд ч хүрч мэдэхээр байна. Бензиний үнэ нэмэгдэхээр бүх өргөн хэрэглээний бараа бүтээгдэхүүний үнэ нэмэгддэг. Тэр чинээгээрээ ард түмэн бүсээ чангалж бухимддаг.
У.Хүрэлсүх сайдыг хариуцлагын сэлмээ эргүүлээч гэж олон түмэн шаардаж байна. Гэтэл мань хүн модон хутга барьчхаад том дуугаар хүмүүс рүү чичлээд газар авахгүй л дээ. Бензиний үнэ нэмэгдэх сургаар дээрх албан тушаалтнуудыг ажиллуулсан бол өнөөдөр төрийн ордоныг ард түмэн дуут дохио хангинуулан гороолохгүй байлаа. Яг үнэндээ нийт ард түмний олонх нь бензин бага иддэг прүүс унаж байгаа учраас арай чүү гэж ажил албаа залгуулж байгаа нь үнэн.
Ерөнхий сайд аа! Уул уурхайн сайд аа! Дээрх албан тушаалтнуудаа дуудан ирүүлж бензиний үнийг буулгах тал дээр арга хэмжээ аваач. Төрд гарц байхгүй бол ард түмний тэвчээрт хязгаар гэж байдгийг сануулах нь зүйтэй болов уу.
Эх сурвалж:tonshuul.mn
Л.Оюунгэрэл
