ОБЕГ-н нисдэг тэрэг сургуулилтын үеэр осолджээ

Хан-Уул дүүргийн нутаг дэвсгэрт байрлах "Буянт-Ухаа" нисэх онгоцны буудалд ОБЕГ-ын нисдэг тэрэг унасан гэх мэдээлэл гарсан. Энэ талаар ОБЕГ-ын Хэвлэл мэдээллийн ажилтан Ш.Анхтуяагаас тодрууллаа.

Тэрбээр “ОБЕГ-ынхан өдөр бүр нисдэг тэргээр сургуулилт хийдэг. Өнөөдөр хоёр хүний суудалтай, сургуулилалтын зориулалттай жижиг нисдэг тэргээр сургуулилалт хийж байсан нэг алба хаагч хүчтэй бууж онгоц хажуулдсан байна. Тэрбээр ганцаараа нислэг үйлдсэн бөгөөд түүнийг ГССҮТ-д үзүүлэхэд бэртэж, гэмтээгүй гэсэн.

Харин ослын газар техникийн ослын дүгнэлт гаргахаар Агаарын тээврийн командлалын алба хаагчид, цагдаагийн бүрэлдэхүүн, ИНЕГ, прокурорын байгууллагын алба хаагчид ажиллаж байна” гэлээ.