Мексикийн эрх баригчид хууль бус цагаачдыг саатуулжээ
Мексикийн Холбооны цагдаагийн газрын ажилтнууд Төв Америкийн улсуудаас ирсэн хууль бус цагаачдын сууж явсан автобусыг саатуулжээ. Энэ тухай Мексикийн Ерөнхий прокурорын газар мэдээлсэн байна.
“Тус нийтийн тээврийн хэрэгсэлд хууль ёсны үндэслэлтэйгээр Мексикийн нутаг дэвсгэрт байрлахыг зөвшөөрсөн баримт бичиггүй Хондурасын 13 иргэн байсны дотор насанд хүрээгүй 7 хүүхэд, Эль Сальвадорын 3 иргэн, Гватемалын нийт 59 иргэний дотор насанд хүрээгүй 33 хүүхэд зорчиж явсан” хэмээн мэдэгдэлд дурдсан байна. Эдгээр цагаачид АНУ-тай залгаа хилд хүрэхээр цугларсан байж магадгүй аж.
