Энэтхэг ОХУ-аас газрын тос импортлохоо бууруулахгүй бол тариф нэмнэ гэж Трамп анхааруулав

АНУ-ын Ерөнхийлөгч Доналд Трамп Энэтхэгт анхааруулга өгөхдөө ОХУ-аас импортолдог газрын тосоо бууруулахгүй бол гаалийн татвараа нэмэгдүүлж болно гэжээ. Трамп Украины дайныг дуусгах хүчин чармайлтынхаа хүрээнд ОХУ-аас их хэмжээний газрын тос худалдан авч буй орнуудад шахалт үзүүлэх болсон. Тэдгээрийн нэг нь Энэтхэг юм.

Ерөнхийлөгчийн онгоц дээр сэтгүүлчдээс асуулт авч байхдаа Трамп “Энэтхэгийн Ерөнхий сайд Моди бол сайн хүн. Гэхдээ газрын тос импортолж буйд нь би сэтгэл дундуур байгааг тэр мэднэ. Миний сэтгэлд таалагдах зүйл хийх ямар чухал гэдгийг ч мэднэ. Тэд газрын тос худалдаж авдаг. Бараа бүтээгдэхүүнд нь оноодог тарифын маш хялбархан нэмж чадна” гэжээ. 

АНУ өнгөрсөн жил Энэтхэгийг ОХУ-аас газрын тос авч байна хэмээн бараанд нь оноодог тарифаа хоёр дахин нэмж 50 хувь болгосон. Трамп тарифаа нэмнэ гэж анхааруулсны дараа Энэтхэгийн технологийн компаниудын хувьцааны индекс буурсан байна.

Эх сурвалж: Reuters