KFC -ээс хордлого авсан иргэд олон түмэнд хандан хэвлэлийн бага хурал хийнэ
2019 он гарснаас хойш KFC-ийн шарсан тахиа идээд хордлого авсан зургаан тохиолдол гарчээ.
Хамгийн сүүлд гарсан мэдээллээр KFC- ээс хордлого авсан хүмүүст тус компанийн ажилтан “Манайх өмнө нь шарсан тосоо танд шүүлгүйгээр өгчихсөн байна, уучлаарай” гэж хээв нэг хэлсэн байх юм. Өмнө нь тус компаниар үйлчлүүлсэн зарим иргэд хордлого авч байсан тухай таагүй мэдээлэл цацагдаж байсныг уншигч олон сайн санаж байгаа байх.
KFC компаний тухайд байдал нэгэнт ийм байгаа болохоор холбогдох албаныхан тус компанид дахин хяналт шалгалт хийх нь зүйтэй мэт санагдана. Харин энэ дашрамд хэлэхэд саяхан тус компаниар үйлчлүүлж, хордлого авсан иргэд энэхүү асуудын талаар олон түмэнд хандан хэвлэлийн бага хурал хийх гэж буй мэдээлэл байна. Ингэх нь ч тэдгээр иргэдийн эрх бөгөөд ингэснээрээ олон түмэнд анхааруулга санамж болох нь дамжиггүй бизээ.
Д.Чингис
Эх сурвалж: Guren.mn
