Татмын ойг нөхөн сэргээж байна
Дорнод аймгийн Баянтүмэн сумын нутаг дахь татмын ой нөхөн сэргэж байна. Усны нөөц, экосистемийн үйлчилгээг тэтгэх зорилгоор хэрэгжүүлж буй татмын ойжуулалт, татмын ойн нөхөн сэргээлт, хатаж ширгэх эрсдэлд өртсөн булгийн эхийг хамгаалах ажлыг "Адапт" төслөөс үе шаттай хэрэгжүүлж байгаа юм. Энэ хүрээнд 2023 онд Баянтүмэн сумын Хэрлэн гол дагуух татмын ойн 2 га талбайг нөхөн сэргээж, хашин хамгаалсан байна. Нэг жилийн дотор өвсний ургац сайжирч, тариалсан мод нахиалжээ.