Монголын тамирчид Өсвөрийн жүдо бөхийн ДАШТ-ээс хос медаль хүртлээ
Өсвөрийн жүдо бөхийн ДАШТ-н Болгар улсын Софи хотод үргэлжилж байна.
Тэмцээний охидын -57кг /жин/-д барилдсан "Виннер" клубийн тамирчин Машбатын Цэндбазар Япон улсын тамирчин Нонока Ямакаваг үндсэн цагт юүко үнэлгээгээр ялж, алтан медаль хүртлээ.
Мөн “Женко” клубийн тамирчин Ганхуягын Энхжин IJF /ОХУ/-н тамирчин Екатерина Ждановагаас үндсэн цагт хоёр юүко үнэлгээ аван улмаар гарт өчих мэхээр цэвэр ялж, хүрэл медалийн болзол хангалаа.
Софи-2025" ДАШТ-ий 57 кг-ын жинд "
- Монголын тамирчин М.Цэндбазар алтан медаль
- Японы тамирчин Н.Ямакава мөнгөн медаль
- Монголын тамирчин Г.Энхжин хүрэл медаль
- Польшийн тамирчин М.Валега хүрэл медаль тус тус хүртсэн юм.
