Нарны идэвхжил дуусаагүй байна
"Өнгөрсөн амралтын өдрүүдээр нил ягаан туяаны нүд гялбам зураглал үүсгэсэн Нарны идэвхжил хараахан дуусаагүй бөгөөд мягмар гарагт нарны хамгийн том дэгдэлт явагдсан" гэж Далай, Агаар мандлын Үндэсний Удирдлагын Сансрын цаг агаарын урьдчилан таамаглах төвөөс мэдээллээ.
X8.7 гэж тооцогддог, X ангилал нь байж болох хамгийн хүчтэй дэгдэлтийг илэрхийлдэг байна. “Энэхүү идэвхжил нь нарнаас гарч буй энергийн дэлбэрэлт бөгөөд ерөнхийдөө хэдэн минутаас хэдэн цаг үргэлжилдэг. Ийм хэмжээний дэгдэлт байнга гардаггүй" гэж төвөөс онцолжээ.
Мягмар гаригийн хэт ягаан туяаг НАСА-ийн Нарны динамик ажиглалтын төв гэрэл зургийг нь авсан бөгөөд галын дэгдэлт 12:51 P.M цагт оргилдоо хүрсэн гэж мэдэгдсэн байна. Нарны дэгдэлт нь ихэвчлэн нарны идэвхтэй бүсэд тохиолддог. Тэд радио, цахилгаан сүлжээ, харилцаа холбоонд нөлөөлж болно. Өндөр давтамжийн радио дохионы хэрэглэгчид түр зуурын буюу бүрэн дохио алдагдах магадлалтай байдаг.
Эрдэмтэд өнгөрсөн долоо хоногт болсон нарны шуурганы үеэр цахилгаан тасрахаас урьдчилан сэргийлэхийг зөвлөж, сүүлийн 20 жилийн хугацаан дахь хамгийн хүчтэй геомагнит шуургыг анхааруулсан.
"Нарны мөчлөг гэгддэг 11 жилийн хугацаанд нарны идэвхжил нэмэгдэж, багасдаг" гэж Нарны динамик ажиглалтын төв X хуудсандаа нийтэлжээ. "Нарны 25-р мөчлөг 2019 оны арванхоёрдугаар сард эхэлсэн бөгөөд одоо нарны идэвхжилийн хамгийн дээд цэгт ойртож байна. Энэ үеүдэд нарны дэлбэрэлт илүү түгээмэл болж байна" гэж мэдэгдсэн юм.
Энэ мөчлөг 2024 оны сүүлээс 2025 оны эхээр оргилдоо хүрнэ. Циклийн төгсгөл ойртох тусам судлаачид нарны идэвхжил хүчтэй болж байгааг ажиглажээ.
