Автомашин онхолдож, таван сартай нярай амиа алджээ
2021 оны 07 дугаар сарын 05-ны өдөр Тээврийн цагдаагийн албаны жижүүрийн шуурхай удирдлагын төвд нийт 334 дуудлага мэдээлэл хүлээн авснаас зам тээврийн ослын шинжтэй 237 дуудлага мэдээлэл бүртгэгдсэн байна.
Бүртгэгдсэн зам тээврийн ослын улмаас нийслэлд 5, орон нутагт 4 хүн гэмтэж 1 хүн амь хохирсон байна.
Нийслэлд
- 2021.07.06-ны өдрийн 05:00 цагийн орчим Хан-Уул дүүрэг Их Монгол улсын гудамжны замд жийп автомашины жолооч гэрлийн шон мөргөж жолооч зорчигч 2 хүн гэмтсэн.
- 2021.07.06-ны өдрийн 17:00 цагийн орчим Чингэлтэй дүүрэг Тасганы замд том оврын автомашины жолооч нь суудлын 11 автомашин мөргөсөн осол гарч, ослын улмаас жолооч гэмтсэн.
- 2021.07.06-ны өдрийн 20:30 цагийн орчимд Налайх дүүргийн нутаг дэвсгэрт суудлын автомашин онхолдож, зорчигч гэмтсэн.
Орон нутагт
- 2021.07.06-ны өдрийн 15:00 цагийн орчим Говьсүмбэр аймаг Шивээговь сумын нутагт бага оврын ачааны автомашин онхолдож, жолоочийн амь хохирсон.
- 2021.07.06-ны өдрийн 18:00 цагийн орчим Дорноговь аймаг Хатанбулаг сумын нутагт уаз фургон маркийн автомашин онхолдож, зорчигч 5 сартай нярайн амь хохирсон.
- 2021.07.06-ны өдрийн 22:00 цагийн орчим Дорнод аймаг Хэрлэн сумын нутагт суудлын автомашины жолооч явган зорчигч 2 хүнийг мөргөж гэмтээсэн.
- 2021.07.06-ны шөнийн 03:30 цагийн орчимд Дундговь аймгийн Адаацаг сумын нутагт Lexus маркийн автомашин Приус маркийн автомашинтай мөргөлдөж, ослын улмаас жолооч гэмтсэн.
Гудамж замын хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодож хөдөлгөөнд оролцсон нийт 56 зөрчил илрүүлсний нийслэлд 40, орон нутагт 16 зөрчлийг илрүүлж учирч болох эрсдэлээс урьдчилан сэргийлж ажилласан байна.Жолооч та бүхэн хөдөлгөөнд оролцохдоо тээврийн хэрэгслийн бүрэн бүтэн байдалд хяналт тавин, хөдөө орон нутгийн замд гарахдаа техникийн үзлэг оношилгоонд бүрэн хамрагдаж тээврийн хэрэгслээ бэлдсэний дараа аян замд гарах, мотоциклтой хөдөлгөөнд оролцохдоо хамгаалах малгай хамгаалалтын хэрэгслийг тогтмол зүүж хэрэглэн хөдөлгөөнд оролцохыг Тээврийн цагдаагийн албанаас анхааруулж байна.Эх сурвалж: Тээврийн цагдаагийн алба
