ЭХЭМҮТ: Ургийн гажиг тодорхойлох шинжилгээнд шаардлагатай бодисын тендерт оролцох компани байхгүй байна

Эх, Хүүхдийн Эрүүл Мэндийн Үндэсний Төв(ЭХЭМҮТ)-д ургийн гажиг тодорхойлох шинжилгээ хийгдэхгүй байгаа аж.

Үүний шалтгааныг тус төвөөс тодруулахад "Ургийн ДНХ тодорхойлох амниоцентез шинжилгээг хийхэд шаардагдах бодис нь дуусчихсан учир шинжилгээ хийхгүй байгаа.

Бодисын нөөц дуусаж байгааг тооцоолж гурван сарын өмнө тендерээ гурван удаа зарласан ч оролцох компани олдохгүй байна. Одоогийн байдлаар тус бодисын нөөц дуусаад 13 хонож байгаа" гэв.