Г.Хишигсайхан Зүүн Азийн аварга шалгаруулах тэмцээнээс хүрэл медаль хүртлээ

Хятадын Янжөү хотод болсон хагас марафон гүйлтийн Зүүн Азийн аварга шалгаруулах IV тэмцээнд оролцсон олон улсын хэмжээний мастер Г.Хишигсайхан нийт замаа 1:12:16 цагт туулснаар хүрэл медаль хүртэж, шагналын тавцанд зогслоо.

Харин эрэгтэйчүүдийн ангилалд уралдсан гавяат тамирчин Б.Сэр-Од 1:05:45 цагийн үзүүлэлтээр шагналт IV байрт шалгарчээ. Энэ удаагийн тэмцээнд манай улсаас үндэсний шигшээ багийн дасгалжуулагч Б.Доржпаламын удирдлагад зургаан тамирчин оролцжээ. Тодруулбал, эрэгтэйчүүдээс гавьяат тамирчин Б.Сэр-Од, спортын мастер Г.Бат-Эрдэнэ, О.Нацагдорж, эмэгтэйчүүдээс олон улсын хэмжээний мастер Г.Хишигсайхан, Б.Мөнхзаяа, спортын мастер Б.Номин нар уралдсан байна.

Ч.Юмчирдулам