Төрийн соёрхолт, дуучин Д.Болдыг эрэн сурвалжилж байна гэсэн мэдээлэл Цагдаагийн ерөнхий газрын сайтад байршуулсан мэдээлэл олон нийтийн анхаарлыг татаад байв. Тэгвэл энэ талаар холбогдох хууль хяналтын байгууллагаас тайлбар хийлээ. 

Тодруулбал, Хан-Уул дүүргийн Иргэний хэргийн анхан шатны шүүхэд Нийслэлийн зорчигч тээврийн нэгтгэл орон нутгийн өмчит ААТҮГ-аас гэрэээний төлбөр гаргуулах маргаанд "Эм Ди Өү" ХХК-ийг хариуцагчаар татаж нэхэмжлэл гаргасан боловч байгууллагын байрлах хаяг тодорхойгүй улмаас шүүх хэргийг хэрэгсэхгүй болгожээ. Үүний дараа Нийслэлийн зорчигч тээврийн нэгтгэл орон нутгийн өмчит ААТҮГ-аас "Эм Ди Өү" ХХК-ийн хаягийг олох боломжгүй байгаа учир хуульд заасны дагуу эрэн сурвалжлуулах хүсэлтийг тухайн шүүхэд гаргасныг шүүх 2020 оны тавдугаар сарын 1-ний өдөр "Эм Ди Өү" ХХК-ийг эрэн сурвалжилж шийдвэрлэсэн байна. Шүүх уг шийдвэрийг 2020 оны тавдугаар сарын 4-нд Хан-Уул дүүрэг дэх Цагдаагийн нэгдүгээр хэлтэст албан бичгээр хүргүүлжээ. "Эм Ди Өү" ХХК-ийн захирал нь Д.Болд юм байна.

Харин энэ талаар өнөөдөр ЦЕГ-ын Хэвлэл, мэдээллийн төвийн дарга Б.Баатархүү "Дуучин Д.Болдын тухай Хан-Уул дүүргийн шүүхээс иргэний журмаар нэхэмжлэлтэй эрэн сурвалжлах ажиллагааг цагдаагийн байгууллагад даалгасан. Журмын дагуу шүүхээс тухайн иргэн оршин суугаа хаягтаа байхгүй тохиолдолд эрэн сурвалжлах ажиллагааг зохион байгуулдаг. Эрэн сурвалжлагдаж байгаа хүн болгоны дата мэдээлэл ЦЕГ-ын цахим сүлжээнд байршдаг. Эрэн сурвалжлах ажлыг улсын хэмжээнд өргөн хэмжээтэй зохион байгуулдаг. Энэ асуудалтай холбогдуулан дуучин Д.Болд цагдаагийн байгууллагад ирж уулзсанаар эрэн сурвалжлах ажиллагааг дуусгавар болгосон" гэсэн мэдээллийг өглөө. 

DURSAMJ.MN

Жүжигчин А.Энхжинг сүүлийн үед элдвээр хэлэх нөхөд олширлоо. Монголын кино урлагт бас нэгэн өнгө нэмж яваа залуу уран бүтээлчдийн нэгдэл болох “Этик продакшн”-ы “Амуре” цуврал, “Хүний цаана”, “Цуурхал”, “Хэлгүй жим” уран сайхны кинонууд нь олны сайшаалыг олонтаа хүртэн амжилттай яваа. Харин “Хэлгүй жим” киноны үзэгчид А.Энхжинд илүү “реакци” үзүүлэх болжээ.

Нэгэн цагт Ардын жүжигчин Б.Дамчаа агсаны бүтээсэн Исмэл тайжийн дүрээс болж хүүхдүүд түүн рүү чулуу нүүлгэж байсан түүхтэй. Тэгвэл “Хэлгүй жим” киноны үзэгчид “Хэлгүй дада” дүрд тоглосон А.Энхжинд ихэд дургүйлхэх болж. Үзэгчид “зэвүү, дургүй хоёр зэрэг хүрмээр” гэх нь энүүхэнд. Бүр “нухчихмаар…”, “муу новш, тааралдсан газар нь…” гэхчлэн болох болохгүй хараал, зүхлийн үгс ар араасаа хөврөх боллоо.

“Хэлгүй дада”-гаас болж ийм дайралтад өртөх болсон А.Энхжинд харин үүнд эмзэглэх сэтгэл огт төрөхгүй байгаа гэнэ шүү. Тэрбээр “Үзэгчид кинондоо хэт орсон юм шиг байна лээ. Миний хувьд кино сайн болсон нь харагдаж байгаа юм уу даа гэж бодоод баяртай байгаа шд” гэлээ.

А.Энхжинд үзэгчид яагаад дургүйлхэх болсныг энд тайлбарлахаас илүүтэй киноноос үзэх нь дээр биз ээ.

-Би бага насандаа маш их амиа хичээсэн зантай хүүхэд байсан, үргэлж л аливаа зүйлийн хамгийн шилдгийг нь өөртөө авдаг байлаа. Тийм болохоор, аажим аажмаар бүгд л орхиод явж би найзгүй үлдэв. Үүнд би өөрийгөө зөвтгөж бусдыг л шүүмжилж байв.

Миний аав амьдралд тус болох 3 өгүүлбэр хэлж өгсөн юм. Нэг өдөр, аав маань 2 аяга гоймонтой шөл хийчихсэн байлаа. Нэг шөл нь өндөгтэй, нөгөөд нь өндөг байхгүй. Тэгээд аав "Хүү минь чи сонго" гэж хэлэв. Тэр үед өндөг бол ховор зүйл байсан. Хааяа даа шинэ жил эсвэл цагаан сар гэх мэт баяруудаар л өндөг иддэг байсан. Мэдээж би өндөгтэй шөлийг нь сонгов.

Шөлтэй гоймонгоо идэх зуураа өөртөө би ч "Зөв сонголт" хийж гэж баярлаад идэж байтал аав шөлөө идээд дуустал аяганд нь 2 өндөг байв.

Би өөртөө маш их харамсаж бас уурласан. Тэгэхэд аав над руу хараад "Заримдаа нүдээрээ харсан зүйлс чинь үнэн биш ч байж магад".

Хэрвээ чи бусдаас дандаа дээр гарах гэж хичээвэл, чи унана гэж хэлэв.

Дараагийн өдөр, дахиад л аав 2 аяга шөлтэй гоймон хийсэн байв. Нэг аяга нь өндөгтэй, нөгөө нь бас өндөггүй байв. Дахин "Миний хүү сонго, аль аягатай гоймонг идмээр байна" гэж хэлэв. Би мэдээж өндөггүй аягатай шөлийг нь сонгож идэв.

Шөлөө идээд дуустал ямар ч өндөг байсангүй. Аав над руу харан, "Миний хүү, үргэлж туршлагад найдаж амьдарч болохгүй, амьдрал чамаар тоглоно, бас хуурна" Гэвч чи түүнд огтоосоо уурлаж уцаарлаж болохгүй, зүгээр л амьдралд бас нэг хичээл сурлаа гэж ойлго.

Үүнийг чи номноос олж уншихгүй. Маргааш аав маань дахиад л шөлтэй хоол хийчихсэн байв, дахин л "Миний хүү чи сонго" гэж хэлэв.

Харин энэ удаа би "Аав, та эхлээд сонго" Та бол өрхийн тэргүүн хүн, энэ гэр бүлд маш их хувь нэмэр оруулсан хүн гэж хэлэв. Аав зөвшөөрч өөрөө аягатай шөлөө аваад идэв. Тэгээд нөгөө аягатай шөлтэй гоймонгоо идэх зуур би дотроо мэдээж миний аяганд ямар ч өндөг байхгүй гэж бодон идэв. Идээд дуустал аяганы ёроолд 2 өндөг байв, би ч бүр гайхав. Аав над руу харж инээмсэглэн "Хайрт хүү минь бусдад сайн зүйл хийж, бусдыг сайнаар бодвол, сайн зүйл чамд тохиох болно" гэж хэлсэн юм.

Би аавынхаа хэлсэн дээрх 3 өгүүлбэрийг ажилдаа үргэлж санаж хэрэгжүүлж ирсэн дээ гэжээ.

Эх сурвалж: https://www.facebook.com/erdenechimeg.erka.79/posts/1032305683891307

Эили нэрээр Солонгостоо төдийгүй дэлхий дахинд алдаршаад буй америк-солонгос гаралтай залуу дуучин, дууны зохиолч Эми Лигийн намтар, уран бүтээл, хувийн амьдралын тухай сонирхуулъя.

Эми Ли АНУ-ын Колорода мужийн Денвер хотод 1989 оны тавдугаар сарын 30-нд мэндэлжээ. Нью-Жерсид хүүхэд насаа өнгөрөөсөн бүсгүй ахлах сургуулиа төгссөний дараа хөгжмийн карьераа эхлүүлэхээс өмнө Pace University-д харилцаа холбооны чиглэлээр суралцаж байж. К-поп уран бүтээлээ хийж эхлэхээс өмнө тэрээр АНУ-ын “Muzo” энтертайнментад харьяалагдаж байжээ. 2010 онд Өмнөд Солонгос руу нүүхийнхээ өмнө Youtube-д өөрийн гэсэн сувгуудыг нээж “mzamyx3” буюу “aileemu­sic” гэх нэрийг өгчээ. Энэ үеэс л интернэт орчинд олны анхааралд өртөж эхэлсэн гэдэг.

ТВ ШОУГААР ТЭСЭРСЭН НЬ ...

Тэр авга ахынхаа холбож өгсний дагуу хоолойгоо шалгуулж Солонгосын алдарт эмэгтэй хамтлаг болох Big Mama-гийн “Resig­nation” дууг дуулснаар YMC энтертайнмэнтийн дуучин болжээ. Энэ үедээ буюу 2011 оны аравдугаар сард Эили дуучин Wheesung-тай хамтран “They are coming” буюу “Тэд ирж байна” дуугаа бичүүлсэн аж. Мөн энэ үедээ Жэй Парк, Жоннипло, Клара-Си нарын алдартнуудтай хамтарч уран бүтээл туурвиж байжээ. Ингээд 2011 оны есдүгээр сард Солонгосын MBC телевизээс зохион байгуулсан “Singer and Trainee” шоу тэмцээнд алдарт дуучин Беойнсегийн “Halo” дуугаар оролцож үзэгчид болон шүүгчдээс өндөр үнэлгээ авч чадсан байдаг. Шүүгчид түүнийг “Тэр хаана ч байлаа гэсэн үргэлж од болон гялалзах болно. Тэр үнэхээр их авьяастай юм” хэмээн магтаж байж. Тэр тэмцээнд Эили тэргүүн байр эзэлж байв.

2012 оны хоёрдугаар сарын 6-нд түүний “Диваажин” дууны клип цацагдсан юм. Уг дууг Эилигийн уран бүтээлийн хамтрагч Wheesung бичиж продюсерложээ. Нэг сарын дараагаар тэр энэ дуугаараа Солонгосын сошиал компани болох Cyworld-ийн хөгжмийн номинацийг тэргүүлээд зогсохгүй “Азийн хөгжмийн наадам”-ын “Шилдэг шинэ уран бүтээлч” өргөмжлөлийг хүртжээ.

Мөн оныхоо гуравдугаар сард KBS телевизийн “Immor­tal songs-2” буюу “Мөнхийн дуунууд-2” шоунд 1967 онд Өмнөд Солонгосын поп дуучин Пэтти Кимийн дуулсан “Гэрэл ба сүүдэр” дуугаар оролцсон байна. Петти Ким сүүлд нь Эилиг “дараачийн агуу дуучин” хэмээн дүгнэн хэлсэн байдаг. Тавдугаар сарын 19-ний өдрийн шоугаар тэрээр мөн л Өмнөд Солонгосын алдартай дуучин, хөгжмийн зохиолч JYP буюу Пакийн “Намайг бүү орхиоч” дууг дуулж Солонгосын охидын хоёрол хамтлаг болох “Давичи”-гийн Ли Хэериг ганцхан онооны зөрүүгээр ялж байжээ. Мөн зургадугаар сарын 30-ны өдрийн үзүүлбэртээ тэрээр Солонгосын хамгийн алдартай уран бүтээлчдийн нэг болох Ли Сүн Чолын “Тавилан” дуугаар оролцож мөн л ялалт байгуулсан байна. Наймдугаар сараас нь харин өөрийн уран бүтээлдээ анхаарал хандуулах хэрэгтэй байна гэх шалтгаанаар уг шоуг орхих болсноо мэдэгджээ.

Тус оныхоо аравдугаар сарын 6-нд “Invitation” нэртэй EP (extended play буюу 5-6 дуутай бөгөөд бүрэн хэмжээний биш) цомгоо гаргажээ. “Invita­tion” буюу “Урилга” цомог зургаан дуунаас бүрдэх бөгөөд түүний хамгийн алдартай уран бүтээл гэгддэг “I’ll show you” болон “Heaven” дуунууд нь багтжээ. 2012 онд тэрээр шаргуу хөдөлмөрлөсний үр дүнд “Сөүлийн хөгжмийн авардс”, “Мелон хөгжмийн авардс”, “М нет Азийн хөмжмийн авардс” болон “Алтан цомог авардс”-аас “Шилдэг шинэ уран бүтээлч” цом хүртжээ. Мөн К-попын шилдэг хамтлаг, дуучдыг шалгаруулдаг “Gaon chart awards”-аас “Шинэ эмэгтэй соло уран бүтээлч” номинацийг тэргүүлсэн байна. Эилиг 55 дугаар Грэммиийн шагнал гардуулах үйл ажиллагааны өмнөх Улаан хивсний ёслолын ажиллагаанд Лос Анжелос хотноо хүндэт зочноор урьж байж. Энэ үеэр тэр “Mnet America Rising Star” шагналыг хүртсэн юм.

“A’S DOLL HOUSE” БА ЯПОН ДАХЬ КАРЬЕРИЙН ЭХЛЭЛ

2013 онд гаргасан “A’s doll house” нэртэй хоёр дахь EP цомогт нь багтсан “U&I” сингл нь цацагдаад дөрөвхөн цагийн дотор хөгжмийн чаартыг тэргүүлжээ. Цомог гарсан даруйдаа Солонгосын ойр орчмын бүх дэлгүүрээр зарагдаж дууссан гэдэг. 2013 оны наймдугаар сарын 4-нд Эили Японы “Warner Music Japan”-тай хамтран “Heaven” дуугаа япон хэлээр гаргажээ.

2013 оны арваннэгдүгээр сарын 13-нд К-попынхныг ангуучилдаг “Allkpop” хэмээх шар сайт түүний хэд хэдэн нүцгэн зургийг нийтэлж шуугиан тарьж байв. Үүний дараа түүний харьяалагддаг YMC энтертайнмэнт уг зургуудыг дотуур хувцасны зар сурталчилгаанд зориулсан зургууд байсан хэмээн мэдэгджээ. Дуучин нүцгэн зураг тараагчдыг цагдаад мэдэгдсэн бөгөөд өөр олон охиныг ийм байдалд оруулсан болох нь тогтоогджээ. Тэд хуучин найз залуутайгаа бичиж байсан фэйсбүүк мессенжерийг нь хакердаж нүцгэн зургуудыг олж авсан байж. Энэ дуулианаас болж тэрээр хэд хэдэн рекламны зураг авалтаас хасагдаж уналтад орсон гэдэг. Гэвч фэнүүд нь түүний энэ асуудлыг сүртэйгээр хүлээж аваагүй юм.

2014 оны нэгдүгээр сард Эили зургаан сарын турш олны нүднээс хол байсны эцэст эргэн гарч ирэв. Мөн оны есдүгээр сард “Don’t touch me” буюу “Надад бүү хүр” дуу нь гарч, мөн гурав дахь бие даасан EP цомог болох “Magazine”-ээ гаргасан байна. Энэ цомог нь “Gaon single chart”-ийн хоёрдугаарт бичигдэж байв.

АНХНЫ БИЕ ДААСАН ТОГЛОЛТОО ХИЙЖ БҮРЭН ХЭМЖЭЭНИЙ ЦОМГОО ГАРГАСАН ЖИЛҮҮД

Жэй Парк болон Сан И нартай Торонтод хамтарсан тоглолт хийснийхээ дараа Эили өөрийн бие даасан тоглолтоо хийхээр төлөвлөж эхэлжээ. Зургадугаар сарын 4-нд Сөүлийн олимпийн хүрээлэнгийн 3000 хүний суудалтай Гимнастикийн асарт анхны бие даасан тоглолтоо хийжээ. Тавдугаар сарын 27-ноос тоглолтын тасалбарыг интернэтээр худалдаалж эхлэхэд дороо дуусч, хамгийн хурдан зарагдсан тасалбарын рекордыг эвдэж байв. Эили олон алдартай дуучинтай хамтран гайхалтай шоуг үзүүлж чадсан байна.

2015 оны есдүгээр сард клипний зураг авалтанд орж байхдаа хөлөө гэмтээжээ. YMC энтертайнмэнтийн зүгээс түүнийг зураг авалтын турш суугаагаараа байвал ажлаа цааш үргэлжлүүлж болох юм хэмээн үзэж байсан бөгөөд дуучин бүсгүй ч өөрөө энэхүү бэртэл гэмтэл маань фэнүүддээ амласан амлалтыг маань зөрчүүлж чадахгүй хэмээж байжээ.

2015 оны есдүгээр сарын 30-нд дуучин бүсгүй маань анхны бие даасан бүрэн хэмжээний цомог “VIVID”-ээ гаргасан байна. Энэ үедээ тэрбээр шилдэг эмэгтэй дуучин төрөлд гурван ч удаа нэр дэвшээд байсан юм.

2016 онд Эили “Superstar K 2016” тэмцээний шүүгчээр ажиллахаар сонгогдов. Аравдугаар сарын 5-нд “New Empire” EP цомгоо гаргасан байна. Энэхүү цомог нь “Gaon chart awards”-ийн 10 дугаарт, АНУ-ын Billboard чаартын есдүгээр байранд бичигдэж байжээ.

АМЕРИК СИНГЛ, АЯЛАН ТОГЛОЛТУУД

2017 оны нэгдүгээр сарын 7-нд “West side” энтертайнмэнттай хамтран анхны америк сингл болох “Fall Back”-ийг A.Leean нэрийн дор гаргажээ. Энэ нь “Gaon Digital Chart”-ийг гурван долоо хоногийн турш тэргүүлсэн байна. Мөн 2016 онд гарсан Өмнөд Солонгосын телевизийн “Хамгаалагч: Ганцаардал ба агуу бурхан” олон ангит киноны дууг дуулсан нь 2017 оны шилдэг киноны дуу шагналыг хүртэж байжээ. Энэхүү дуу нь маш олон шагналыг ар араасаа дагуулсан гэдэг. “Сөүлийн үндэсний драм авардс”, “М нет Азийн хөгжмийн авардс”, “Мелон хөгжмийн авардс”, “Сөүлийн хөгжмийн авардс”, “Алтан цомог авардс”-аас “Шилдэг киноны дуу” шагналыг хүртэж байв. “Mu­sic Bank” хөгжмийн сувгийн жагсаалтыг мөн 20 долоо хоногийн турш тэргүүлэн рекорд эвдэж байлаа. Үүнээс хойш тэрээр өөрийн улсын томоохон хотуудаар аялан тоглолтуудаа хийж эхэлсэн юм. Тайванд “Эили-Сайн байна уу Тайпэй 2017” нэртэй анхны тоглолтоо хийж байсныг нь бас онцолъё.

2018 оны гуравдугаар сарын 18-нд Эили Пёнчаны олимпийн цэнгэлдэх хүрээлэнд Паралимпийн олимпийн хаалтан дээр “I will show you” дуугаа дуулж сонирхуулж байжээ. Өмнөд Солонгосын соёлын элчээр сонгогдож Хойд Солонгосын нийслэл Пхеньян хотод болсон дээд хэмжээний уулзалтанд ая дуугаа өргөж байв. Мөн оныхоо 10 дугаар сарын 24-нөөс “Ailee I am” нэртэй хоёр дахь үндэсний хэмжээний аялан тоглолтоо эхлүүлж байжээ. Саяхан буюу энэ сарын 2-нд тэрээр хоёр дахь бүрэн хэмжээний цомог болох “Butterfly” цомгоо гаргасан юм байна.

Дуучин бүсгүй Солонгостоо мэдэхгүй, танихгүй хүнгүй болтлоо нэр алдарт хүрч, дэлхийн тайзнаа од болон гялалзаж яваа хэдий ч хувийн амьдрал нь олонд ил биш. Нууцлаг амьдралтай од. Хэд хэдэн залуутай болзож байсан ч энэ талаараа огт дурсдаггүй. Ийм байдал нь ч үзэгч фенүүдэд нь таалагддаг гэсэн. Баруунд төрж өссөн болоод тэр үү, маш энгийн. Энгийн даруу зан нь алдрын оргилд хүрэхэд нь том нөлөө үзүүлсэн гэдэг юм билээ.

А.Мөнхзул

Эх сурвалж: Өдрийн сонин 

Өнгөрсөн ням гаригт “Яг түүн шиг”шоунд дуучин Б.Халиун Казахстаны дуучин Димаш Кудайбергеныг дуурайсан билээ. 

Түүний энэ үзүүлбэр дуучинд ихээхэн таалагдсан гэж Nur.kz цахим хуудас мэдээллэсэн бол дуучин Димаш мөн  хуудсаараа дамжуулан бүсгүйг хараад бахархаж байна хэмээн бичсэн байна. 

“Үнэхээр сонирхолтой пароди байлаа. Энэ бүсгүй надаас илүү надтай адилхан байна. Маш авьяаслаг байлаа” хэмээн Димаш Кудайрберген бичсэн байна. 

Энэ удаа та бүхэнд Солонгосын урлагийн салбарт гялалзаж яваа хүмүүсийн бага насны зургийг одоо үетэй нь харьцуулан харуулж байна.
Хэрвээ танай ангид жоохон царай муутай, тарган, аппарат зүүдэг хүүхэд байвал битгий гадуурхаарай тэд том болоод охидуудын зүрхийг булаасан нэгэн болохыг үгүйсгэхгүй. 

Жүжигчин Анжелина Жоли гэрээслэлээ бичжээ. Тэрээр бүх хөрөнгөө 17 настай, том хүү Мэддокстой үлдээсэн гэнэ. Брэд Питтээс салахад Мэддокс л ээжийгээ бүх талаар дэмжиж байсан гэнэ.

Энэ мэдээлэл тарсан даруйдаа шүтэн бишрэгчдийнх нь санааг зовоож “Яагаад гэрээслэл бичих болов” хэмээн ярьцгааж байна. Тэрээр гурван жилийн өмнө жилийн өмнө, Б.Питтээс салсныхаа дараа “Vanity Fair” сэтгүүлд өгсөн ярилцлагадаа хүүхдүүдээ ганцаар өсгөнө, дахиж хүнтэй суухгүй гэснээс гадна эрүүл мэндийнхээ төлөө тэмцэх шаардлагатай байгаа талаараа ярьсан нь одоо фэнүүдийнх нь анхаарлыг татаад байгаа аж.

Анжелина Жоли хорт хавдраар өвчлөх эрсдэл өндөр байгаа шалтгаанаар хэдэн жилийн өмнө өрөөсөн хөхөө тайруулж, өндгөвчөө авахуулсан. Дараа нь гэр бүл нь салсан явдал жүжигчний сэтгэл санаанд хүнд цохилт болжээ. Эх сурвалжийн хэлснээр, Б.Питтэй харилцаа таарамжгүй болсон нь А.Жолигийн өвчнийг хүндрүүлж, шинэ онош тавигдсан гэнэ. Тухайлбал, даралт ихсэх өвчтэй болжээ. Мөн нүүрний булчин нь саажиж эхэлсэн байна. Энэ өвчнийг Беллийн саажилт гэж нэрлэдэг аж. Өвчин хүндрэхээр нүүрний булчингууд ажиллах чадвараа бүрэн алдаж, ярих боломжгүй болдог байна. Гэхдээ өвчлөгчдийн 80 хувь нь эдгэрдэг гэсэн эерэг статистик байдаг юм байна. Сүүлийн үед бас нэг эмгэг гарч ирэн зовоох болсон нь арьс хуурайших эмгэг аж. Тиймээс удахгүй удаан хугацаанд үргэлжлэх курс эмчилгээнд орохоор болжээ. Энэ эмчилгээ нь арьс хуурайших төдий биш илүү ноцтой өвчний эмчилгээ байж магадгүй хэмээн шар хэвлэлүүдэд бичиж байна.

EAGLE.MN

Х.Батсайхан

Ким Духан буюу Зоригт эрийн түүх киноны жүжигчин Ан Жэмуд одоогоос 10 жилийн өмнө Монгол Улсын Ерөнхийлөгч 3300 мкв хэмжээтэй газар бэлэглэж байжээ.

Тэрбээр энэ тухайгаа KBS телевиз болон JBTC энтертайнментэд өгсөн ярилцлагынхаа үеэр дурдсан байна. Ан Жэму “Кино гарч байх үед Монголд би хэд хэдэн удаа урилгаар очиж байсан. Тэр үед одоогоос арваад жилийн өмнө Монгол Улсын ерөнхийлөгч надад газар бэлэглэсэн юм.

Хотоос нэлээд зайтай байсан болохоор бараг 2-3 цаг явж байж хүрсэн. Гэхдээ тухайн үед газар нь хөгжилгүй, зэлүүд байсан болохоор тоогоогүй. Тиймээс газрын бичгийг нь хүлээж аваагүй юм.

Мэдээж арван жилийн өмнө болохоор одоо газар нь хөгжөөд, илүү сайхан болсон л байх. Тиймээс хэрвээ энэ бичлэгийг үзэж байгаа бол газрын бичгийг минь явуулаарай” хэмээн хэлжээ.

Ж.Хулан

Папарацид өртөөгүй ч фенүүд болон хэвлэлийнхний дунд шуугиж байгаагаас нь үзвэл жүжигчин Брэд Питт болон жүжигчин Чарлиз Терон нарын хооронд хайрын романс үүссэн бололтой. Тэд 6 сарын өмнөөс уулзаж эхэлсэн бөгөөд хамтдаа цагийг өнгөрөөх болжээ.

Брэд, Чарлиз хоёр дэлхийн алдартай бугуйн цаг үйлдвэрлэгч Швейцарийн Breitling компанийн сурталчилгаанд хамтдаа тоглосон нь олны яриаг улам дэврүүлж өгсөн. Гэвч энэ сурталчилгаанд дотно харилцаатай харагдаагүй гэж эх сурвалж People мэдээллэж байгаа. Мөн жүжигчин Адам Драйвер хамт сурталчилгаанд тоглосон.