“Петрочайна Дачин Тамсаг”-ийн асуудал хөндөгдөж эхэллээ

Газрын тосны салбарын хамгийн том  олборлогч “ПетроЧайна Дачин Тамсаг” компани үйл ажиллагаа явуулаад багагүй хугацаа өнгөрчээ. Энэ хугацаанд  газрын  тосны  чиглэлд хятад  компаниуд  хүч  түрэн  орж  ирсээр байна.   Тэгвэл тэдгээр нь“Петрочайна Дачин  Тамсаг” компанитай хамаарал бүхий болон охин компаниуд байхыг үгүйсгэхгүй талаар эх сурвалжууд  дэлгэж эхэллээ.

Ер нь газрын тосны салбарт монголчуудын оролцоог нэмэгдүүлэх, энэ чиглэлийн боловсон хүчнүүдийг ажлын байраар хангах, ирээдүй  хойчдоо үлдэх эрсдлийг тооцож үзэх зэрэгт цаг алдаж болохгүй талаар салбарынхан нь дуу хоолойгоо нэгтгэж, нэгдэж байна.

Геологи, газрын тос, уул уурхайн салбарын мэргэжилтнүүд  салбартаа болж буй бугшсэн олон асуудлыг дэлгэхээс гадна Газрын тосны олборлолтыг дагасан сум, аймаг, нутаг орны хөгжилд Хятад компаниуд  ямар үүрэг гүйцэтгэсэн талаар баримт нотолгоог тун удахгүй гаргаж эхлэх нь ээ.

Дорнод аймгийн удирдлагуудын зүгээс “ПетроЧайна Дачин Тамсаг”  компанийг нутгийн мэргэжлийн ажилчдыг ажилд авахгүй байна гэсэн гомдлыг гаргаад удаж буй.  Үүнтэй холбоотойгоор тээвэрлэлтийг зогсоох хүртэл арга хэмжээ авч байсан ч тодорхой шийдэлд хүрэхгүй явсаар өдийг хүрчээ. Харин салбарын сайд Д.Сумъяабазар өнгөрсөн онд газрын тос, уул уурхайн чиглэлийн компаниудын үйл ажиллагаатай танилцаж нэн даруй орон нутгаас олборлолтын операторчныг заавал авах, хяналт шалгалтыг сайжруулах  үүрэг өгч байсан ч өдийг болтол боловсон хүчнүүд ажлын байраар хангагдаж чадахгүй, сум орон нутагт хийгдэж буй бүтээн байгуулалт гэж нүдэнд торойх зүйлгүй байгааг тус салбарынхан онцолж байна.

Chuhal.mn