Д.Одбаярын бэлгийн дарамтад өртсөн үйлчлэгч бүсгүйчүүд түүнд ял оноохыг хүслээ

Монгол улсын ҮХЦ-ийн дарга Д.Одбаяр болон А нар аравдугаар сарын 31-ний өдрийн Улаанбаатар-Сөүл чиглэлийн онгоцоор зорчиж явахдаа онгоцны үйлчлэгч бүсгүйчүүдийн өгзөг, мөрөнд хүрч, бэлгийн дарамт үзүүлсэн хэрэгт холбогдсон.
Тэгвэл мөрдөн байцаалтын үеэр бэлгийн дарамтад өртсөн Korean Air компанийн онгоцны үйлчлэгч бүсгүйчүүд “Сэтгэл санааны хохирол амссан тул халдлага үйлдэгч этгээдүүдийг шийтгүүлэх хүсэлтэй” хэмээсэн талаар Инчеон хотын Цагдаагийн газраас мэдээллээ. Ийнхүү мэдүүлгийн үеэр Д.Одбаярт ял оноохыг хүсч буйгаа илэрхийлжээ.
Цагдаа нарын зүгээс Д.Одбаярыг буруутай гэж үзэж байгаа бөгөөд мөрдөн байцаалтын ажлыг үргэлжлүүлж байна.Мөрдөн байцаалтыг ҮХЦ-ийн дарга Д.Одбаярыг Монгол руу буцах үеэр дахин зохион байгуулахаар болжээ. Хэрвээ Солонгос улсаар дамжихгүйгээр явбал хэрэг дээр нэмэлт мөрдөн байцаалт хийхгүйгээр шууд прокурорт шилжүүлэх боломжтой аж.
Эх сурвалж: mbc.news
Хуваалцах:

Сэтгэгдэл

reload, if the code cannot be seen